سوڭعى كەزدەرى جالعان اقپارات تاراتۋ توقتاماي تۇر. اسىرەسە، ادامدارعا ەكپە ارقىلى چيپ سالۋ، ەكپەدەن سوڭ ءتۇرلى اۋرۋلارعا شالدىعادى ەكەنسىڭ دەگەن اقپاراتتار الەۋمەتتىك جەلىلەردە جەلدەي ەسىپ ءجۇر. كەز كەلگەن اقپاراتتى نەمەسە وتباسىلىق چاتقا كەلگەن كۇدىكتى مالىمەتتى stopfake.kz رەسمي سايتىندا تەكسەرۋگە بولادى دەپ حابارلايدى almaty-akshamy.kz
الەكساندر دانيلوۆ، Stopfake.kz جوباسىنىڭ جەتەكشىسى:
– جالعان مالىمەتتەردى عىلىمي تۇردە زەرتتەپ، حالىقارالىق ۇيىمدار مەن قۇزىرلى مەكەمەلەردىڭ كومەگىمەن زەرتتەۋ جۇرگىزەمىز. ءبىز قاتە جاڭالىقتى نەمەسە جالعان بولىپ كورىنەتىن حابارلامالاردى تاۋىپ، تەكسەرەمىز. الەۋمەتتىك جەلىلەرگە مونيتورينگ جاسايمىز. كوپ جاعدايدا فەيك جاڭالىقتىڭ دەرەككوزى بولمايدى. كۇنىنە 10 شاقتى فەيك اقپاراتتى تەكسەرەمىز.
شۇعىلا تۇرلىبەك، ق ر ىشكى ىستەر مينيسترلىگىنىڭ وكىلى:
– جالعان اقپارات تاراتقاندارعا 1000 ايلىق ەسەپتىك كورسەتكىشكە دەيىنگى مولشەردە ايىپپۇل سالىنادى. نە بولماسا تۇزەۋ جۇمىستارىنا، نە 400 ساعاتقا دەيىنگى مەرزىمگە قوعامدىق جۇمىستارعا تارتىلادى. سونداي-اق ءبىر جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋ جازاسى قولدانىلادى.
جالپى، جىل باسىنان بەرى ەل بويىنشا فەيك اقپارات تاراتقاندارعا قاتىستى 43 قىلمىستىق ءىس قوزعالعان. ونىڭ بىرەۋى سوتقا جولداندى. ال بىلتىر ءدال وسى كەزەڭدە، ياعني ىندەت ءورشىپ تۇرعان كەزدە 63 جالعان مالىمەت انىقتالعان.
بيىل حالىقتى ۆاكسينالاۋ جونىندە جالعان اقپارات تاراتقاندارعا قاتىستى 11 قىلمىستىق ءىس قوزعالعان. ءقازىر ونىڭ ۇشەۋى بويىنشا تەرگەۋ ءجۇرىپ جاتىر.