قالا اكىمى باقىتجان ساعىنتايەۆ «الماتى» تا-داعى Akimat Live باعدارلاماسى بارىسىندا قالالىقتاردىڭ سۇراقتارىنا جاۋاپ بەرىپ، ۆەلوسيپەد ينفراقۇرىلىمىن دامىتۋ جوسپارلارىمەن ءبولىستى، دەپ حابارلايدى almaty-akshamy.kz
قالادا 77،2 شاقىرىم ۆەلوينفراقۇرىلىمى اباتتاندىرىلدى، ونىڭ 21،5 شاقىرىمى - ۆەلوجولاقتار، 55،6 شاقىرىمى - ۆەلوجولدار. «وربيتا» شاعىناۋدانىنان كوك بازارعا دەيىن اينالمالى ءۇزىلىسسىز ۆەلوباعىت جاسالدى.
جول قوزعالىسىنا قاتىسۋشىلاردى قورعاۋ جانە قاۋىپسىزدىگىن قامتاماسىز ەتۋ ماقساتىندا ۆەلوجولدارىن ءجۇرىس بولىگىنەن اجىراتاتىن 2 مىڭنان استام جول بلوكاتورلارى ورناتىلدى.
قازىرگى كەزدە الماتى قالالىق موبيلدىلىك باسقارماسى «كولىك جانە كوممۋنيكاسيا عىلىمي-زەرتتەۋ جانە جوبالاۋ ينستيتۋتى» جشس-مەن بىرلەسىپ، قالانىڭ ۆەلو جانە جاياۋ جۇرگىنشىلەر ينفراقۇرىلىمىن دامىتۋ ستراتەگياسىن ازىرلەۋدە.
ستراتەگيانىڭ باستى ماقساتى – حالىقتىڭ ميكروموبيلدىلىگى مەن سالاۋاتتى ءومىر سالتىن ناسيحاتتاۋ؛ بالامالى كولىك تۇرلەرىنە قولايلى جاعدايلار جاساۋ؛ ەكولوگيالىق تازا كولىك تۇرلەرىنە كوشۋ؛ تىنىش جانە قوسىمشا ايماقتاردى قامتيتىن ۆەلو جەلىلەرىن قوسۋ.
قالا تۇرعىندارىنىڭ وتىنىشتەرى بويىنشا ستراتەگياعا بالالار مەن جاسوسپىرىمدەرگە ۆەلوسيپەدپەن كوشە بويىمەن ءقاۋىپسىز قوزعالۋدى ۇيرەتۋ ەنگىزىلدى.
ستراتەگيانى ىسكە اسىرۋ اياسىندا 2030 جىلعا دەيىن 185 شاقىرىمنان استام ۆەلو ينفراقۇرىلىمىن اباتتاندىرۋ جانە ونىڭ ۇزىندىعىن 2،5 ەسەگە، ياعني 262،8 شاقىرىمعا دەيىن ارتتىرۋ جوسپارلانعان. 2024 جىلى - 190،9 شاقىرىم، 2026 جىلى - 223،6 شاقىرىم، 2030 جىلى - 262،8 شاقىرىمعا دەيىن.
ايتا كەتەرلىگى، AlmatyBike ۆەلوتىزبەگى مودەرنيزاسيادان ءوتىپ جاتىر. ۆەلوپارك 1760 ۆەلوسيپەدتەن جانە 187 بەكەتتەن تۇرادى. 480 ۆەلوسيپەدكە كۇردەلى جوندەۋ جۇرگىزىلدى، ولار جەلىگە شىعارىلدى. 7 تامىزعا دەيىن قوسىمشا 250 ۆەلوسيپەدتى جوندەۋ جوسپارلانعان.
وسى جىلى جۇيەدە قولدانۋشىلارعا قىزمەت كورسەتۋ ءۇشىن جاڭا AlmatyBike ءموبيلدى قوسىمشاسى مەن CRM جۇيەسىن ازىرلەۋ جوسپارلانىپ وتىر. بۇل قولدانۋشىلارعا ونلاين رەجيمىندە AlmatyBike-تە تىركەلۋگە جانە ساتۋ بولىمدەرىنە بارۋ قاجەتتىلىگىن جويۋعا مۇمكىندىك بەرەدى.
جۇيەگە 50 مىڭنان استام قولدانۋشى تىركەلگەن. AlmatyBike قىزمەتىن شامامەن 2،9 ميلليون رەت قولدانىپ، 6 ميلليون شاقىرىمنان استام جول جۇرىلگەن. 2021 جىلدىڭ ءبىرىنشى جارتى جىلدىعىندا AlmatyBike قىزمەتىن 342 مىڭ رەت قولدانىپ، 685 مىڭ شاقىرىم ءجۇرىپ ءوتىلدى.