قارجىلاندىرۋ ارقاسىندا ءۇش مىڭنان استام بالا سپورت سەكسيالارىنا اقىسىز بارادى.
قالا اكىمى باقىتجان ساعىنتايەۆ «الماتى» تا-داعى Akimat Live باعدارلاماسى كەزىندە بالالار مەن جاسوسپىرىمدەردىڭ فيزيكالىق دامۋى ءۇشىن ينفراقۇرىلىم قالاي جاسالاتىنى تۋرالى سۇراققا جاۋاپ بەردى، دەپ حابارلايدى Almaty-akshamy.kz.
الماتىدا بولاشاق چەمپيونداردى دايىنداۋ ءۇشىن سپورتتىق نىسانداردىڭ قولجەتىمدىگى مەن اشىقتىعىنا باسا نازار اۋدارىلادى ءارى كەشەندى شارالار قابىلدانۋدا. وسى ماقساتتا التى سپورتتىق-ساۋىقتىرۋ كەشەنىنىڭ، سونداي-اق ۇلكەن تەننيس پەن ۇستەل تەننيسى ورتالىقتارىنىڭ قۇرىلىسى جۇرگىزىلۋدە. حالىقارالىق «سۇڭقار» شاڭعى ترامپليندەر كەشەنىندە سپورت كەشەنىنىڭ قۇرىلىسى اياقتالۋدا.
تەگىن قادامدىق قولجەتىمدى اشىق الاڭداردا، جەكپە-جەك ورتالىقتارىندا 40-تان استام جاتتىقتىرۋشى ساباق بەرۋدە. وسىلايشا، ءبىر جارىم مىڭنان استام بالالار مەن جاسوسپىرىمدەر سپورتپەن شۇعىلدانۋدا. سونىمەن قاتار، جان باسىنا شاققاندا قارجىلاندىرۋ ارقاسىندا ءۇش مىڭنان استام بالا سپورت سەكسيالارىنا اقىسىز بارادى.