جالعا العان پاتەرلەردى جالعا بەرگەن جاسوسىپىرىمدەر ۇستالدى

بۇل ىسكە قاتىسى بار دەپ تانىلعان كۇدىكتىلەر ۇستالدى، دەپ حابارلايدى Almaty-akshamy.kz.

Polisia.kzء-تىڭ مالىمەتىنشە، المالى اۋدانىنىڭ پوليسەيلەرى 20 جانە 17 جاستاعى ەكى ازاماتتى انىقتاعان. بولجام بويىنشا تامىز ايىنان بەرى الاياقتىقپەن اينالىسقان.

«قىلمىستىق ءىس ماتەريالدارىنان بەلگىلى بولعانداي، العاشىندا جاستار عالامتور ارقىلى وزدەرىندە جوق پاتەرلەردى كۇندەلىكتى جالعا بەرۋ تۋرالى حابارلاندىرۋلاردى تاراتقان. ولار الدىن الا تولەمدى العان سوڭ، ۇيالى تەلەفوندارىن ءوشىرىپ تاستاعان. ءارى قاراي، اعايىندىلار وزدەرى ءبىر كۇنگە جالعا العان پاتەرلەردى ۇزاق ۋاقىتقا جالعا بەرۋگە كىرىستى. كەيدە ولار بىرنەشە ايدىڭ جالداۋ اقىسىن الاتىن. الدانعان ازاماتتار پوليسياعا كومەك سۇراپ جۇگىنگەن. كۇدىكتىلەر ۇستالدى»، – دەدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.

قازىرگى ۋاقىتتا وسىعان ۇقساس التى ەپيزود انىقتالدى. كۇدىكتىلەردىڭ جەكە باسى باسقا دا الداۋ ارەكەتتەرىنە قاتىسى بار-جوعىنا تەكسەرىلىپ جاتىر.

الاياقتىڭ جاساۋدىڭ وسىعان ۇقساس دەرەگى انىقتالعان جاعدايدا، پوليسيا قىزمەتكەرلەرى ازاماتتاردى مىنا تەلەفون نومىرلەرى ارقىلى حابارلاسۋعا شاقىرادى: 8-705-555-77-63 جانە 8-778-591-91-35. ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.