جالبىز – ادام اعزاسىنا وتە پايدالى وسىمدىك.
ناقتىراق ايتقاندا، اس قورىتۋ جولدارىن جاقسارتادى، دەمىڭدى تازالايدى، اللەرگيانىڭ الدىن الادى، باس اۋرۋىن قويدىرادى، تىنىس جولدارىن اشادى. ءبىر سوزبەن ايتقاندا، كەز كەلگەن دەرتتى ەمدەيتىن تابيعي انتيبيوتيك، دەپ حابارلايدى Almaty-akshamy.kz Ernur.kz-كە سىلتەمە جاساپ.
جۇپار ءيىستى ءارى ەرەكشە ءدامى بار جالبىز كوپتەگەن اۋرۋعا ەم بولا الاتىن قاسيەتكە يە.
ىشەكتىڭ جۇمىسىن رەتتەيدى
جالبىزدى تۇتىنۋ ارقىلى ىشەكتەگى ارتىق گازدان ارىلىپ، ءىسىنۋدى ەمدەيسىز. ونىڭ قۇرامىنداعى زاتتار اس قورىتۋ جۇيەسىنىڭ بۇلشىق ەتتەرىن بوساڭسىتۋعا كومەكتەسىپ، اۋىرسىنۋدى جەڭىلدەتەدى ءارى ىشەكتىڭ تەگىس بۇلشىق ەتتەرى بەلسەندى تۇردە جيىرىلۋىن توقتاتادى.
باس اۋرۋىن باسادى
جالبىزدىڭ باس اۋرۋىن قويدىراتىن قاسيەتى بار. وسىمدىكتىڭ قۇرامىندا قان اعىمىن ارتتىراتىن مەنتول بار، سونىمەن قاتار سالقىندىق سەزىمىن بەرەدى. ماماندار وسىنىڭ اسەرىنەن اۋىرسىنۋ باسىلادى دەگەندى العا تارتادى. ولاردىڭ ايتۋىنشا جالبىز مايىن ماڭدايعا جاقسا، 1000 مگ پاراسەتامينوفەنمەن بىردەي اسەر ەتەدى ەكەن.
دەمدى تازالايدى
بايقاساڭىز، جالبىزدى ءتىس پاستاسىنا، اۋىز شاياتىن سۇيىقتىققا، ساعىزعا دامدەۋىش رەتىندە قوسادى. ونىڭ جاعىمدى حوش ءيىسى اۋىز قۋىسىنداعى ميكروبتاردىڭ جويىلۋىنا ىقپال ەتەدى. ناتيجەسىندە دەمىڭىز تازارىپ، اۋىزدان جاعىمسىز ءيىس شىقپايدى.
تىنىس الۋ جولدارىن جاقسارتادى
جالبىزدىڭ باكتەرياعا، ۆيرۋسقا جانە قابىنۋعا قارسى كۇرەسەتىن كەرەمەت اسەرى بار. سوندىقتان جرۆي، سۋىق تيۋ جانە سينۋسيت اۋرۋلارى مازالاعاندا دەرەۋ جالبىز قوسىلعان شاي ءىشىڭىز. جالبىز – جالپى سۋىقپەن كۇرەسەتىن سۋپەردارى. سونىمەن قاتار، جالبىزدىڭ قۇرامىنداعى مەنتول مۇرىن قۋىسىندا اۋا اعىنىن قابىلداۋدى جاقسارتادى. ەندەشە، مۇرنىڭىز بىتەلىپ نەمەسە سۋ اعىپ باستاسا، جالبىز قوسىلعان سۋمەن بۇلاۋ جاساڭىز.
شارشاعاندى باسادى
شارشاۋ – ءسىزدىڭ ءومىر ءسۇرۋ سالتىڭىزعا كەرى اسەر ەتەدى. شارشاعان ادامنىڭ كۇنى بويى جۇمىسقا قۇلشىنىسى بولمايدى. بۇل دەرتتەن قۇتىلعىڭىز كەلسە، تاڭەرتەڭ جالبىز قوسىلعان شاي ءىشۋدى ادەتكە اينالدىرىڭىز. بۇل وسىمدىكتىڭ قۇرامىنداعى قوسىلىستار دەنەنىڭ ەنەرگەتيكالىق الەۋەتىنە پايدالى اسەر ەتەدى ءارى ونىڭ حوش ءيىسى كۇندىزگى ۇيقىشىلدىقتى جەڭەدى.
تابيعي انتيبيوتيك
جالبىزدىڭ شايىنان بولەك، مايىنىڭ دا ەمدىك قاسيەتى وراسان زور. ماسەلەن، باكتەرياعا قارسى اسەرى بار ەكەندىگى عىلىمي تۇردە انىقتالعان. ونىڭ ىشەك تاياقشالارىنا، ليستەريالارعا، سالمونەللالارعا قارسى بەلسەندى كۇرەسەدى. سونىمەن قاتار، پنيەۆمونيانى تۋدىراتىن ستافيلوكوككتار مەن ميكروبتاردىڭ كوزىن جويادى.
ۇيقىنى قالىپقا كەلتىرەدى
ۇيقىعا جاتار الدىندا 1 كەسە جالبىز شايىن ىشسەڭىز، تاڭعا دەيىن تىنىش ۇيىقتايسىز. سەبەبى وسىمدىكتىڭ قۇرامىندا كوفەين جوق. سونىڭ اسەرىنەن دەنەنى بوساڭسىتىپ، بۇلشىق ەتتى دەمالدىرادى.
ارتىق سالماقتان ارىلتادى
سالماقتى جوعالتقىسى كەلەتىن كەز كەلگەن ادام قارا نەمەسە كوك شايدىڭ ورنىنا جالبىز شايىن ىشسە بولادى. عالىمدار جالبىز ءشوبىنىڭ تابەتتى باساتىن قاسيەتىن انىقتاعان. سوندىقتان شاي ورنىنا ىشەتىن بولساڭىز، ارتىق تاماقتانۋدى توقتاتاسىز.
اللەرگيانى جويادى
جالبىزدىڭ حيميالىق فورمۋلاسىندا اللەرگيا بەلگىلەرىن ازايتاتىن روزمارين قىشقىلى بار. ەگەر كوزىڭىز قىشىپ، مۇرنىڭىزدان سۋ اعىپ، اللەرگيالىق جوتەل مازالاسا، وندا 1 شىنى جالبىز قوسىلعان شاي ءىشىڭىز. سوندا اللەرگيانى ايتارلىقتاي جەڭەسىز.
ەستە ساقتاۋ قابىلەتىن جاقسارتادى
زەرتتەۋشىلەر جالبىزدىڭ حوش ءيىستى مايى ەستە ساقتاۋ قابىلەتىن جاقسارتادى دەگەن تۇجىرىم جاسايدى. باسقا ەفير مايىمەن سالىستىرعاندا، بۇل وسىمدىك جۇمىسقا جاقسى كوڭىل بولۋگە كومەكتەسەدى ەكەن.
كوڭىل-كۇيىڭىزدى كوتەرەدى
بۇل تاماشا سۋسىندى ىستىق جانە سالقىن كۇيىندە ىشە الاسىز. ەمدىك شايدىڭ جاعىمدى ءدامى جۇيكەڭىزدى تىنىقتىرىپ، كوڭىلىڭىزدى كوتەرەدى.
جالبىز شايىنىڭ جاسالۋ جولى: تەرموسقا 2 ستاقان قايناعان سۋ قۇيىڭىز. وعان ءبىر ۋىس جالبىزدى سالىپ، قاقپاعىن جاۋىپ قوياسىز. شامامەن 5 مينۋتتان سوڭ ەمدىك شايدى ءسۇزىپ الىپ، كەز كەلگەن ۋاقىتتا شاي رەتىندە ىشە الاسىز. شايدى مەيلىنشە تاماقتان سوڭ ءىشىڭىز. سوندا جەپ-ىشكەن تاماعىڭىز قورىتىلىپ، اسقازان جولدارىن جەڭىلدەتەدى. تاڭەرتەڭ ىشسەڭىز، كۇنى بويى بويىڭىزدا قۋاتىڭىز تاسىپ جۇرەدى. ال ۇيقىعا جاتار الدىندا ىشسەڭىز، ۇيقىڭىز قانادى.