بۇل - پاۆلودارداعى جاعداي.
پاۆلودار وبلىسىنىڭ اقسۋ قالاسىندا ەرەكشە بالالارعا مەرزىمى ءوتىپ كەتكەن تاتتىلەر تاراتىلعان، دەپ حابارلايدى almaty-akshamy.kz
الەۋمەتتىك جەلىدە كاسىپورىنداردىڭ ءبىرى ەرەكشە بالالارعا مەرزىمى ءوتىپ كەتكەن تاتتىلەر تاراتقانى تۋرالى اقپارات تارادى.
«كەشە بالالارعا ارنالعان شىرشا بولدى. كوڭىل كۇيىمىزدىڭ بۇزىلعانى جانە مەرزىمى ءوتىپ كەتكەن تاتتىلەر ءۇشىن راحمەت. ءبىزدىڭ بالالارىمىز ەرەكشە بولعانى ءۇشىن ولارعا وسىنداي بۇزىلعان ءتاتتى بەرۋگە بولا ما؟ سالىپ جاتقان كەزدە قاراۋعا بولمادى ما؟»، – دەيدى جەلى قولدانۋشىسى.
اقسۋ قالاسى ءبىلىم بەرۋ ءبولىمىنىڭ باسشىسى قايرات سماعۇلوۆتىڭ ايتۋىنشا، مەرزىمى ءوتىپ كەتكەن تاتتىلەردى جابدىقتاۋشى جەتكىزگەن.
«مۇنداي جاعداي ءبىرىنشى رەت بولىپ وتىر. ولار سەگىز جىلدان بەرى سىيلىقتار اكەلەدى جانە مۇنداي بولعان ەمەس. كامپيتتەردىڭ قاتتى بولۋى مەن مەرزىمدەرىنىڭ ءوتىپ كەتۋى اتا-انالاردىڭ اشۋىن تۋدىردى»، – دەيدى قايرات سماعۇلوۆ.
ءبولىم باسشىسى شاعىمداردان كەيىن تاتتىلەردىڭ قاپتاماسىنىڭ سىرتىندا جاڭادان جارامدىلىق مەرزىمى جابىستىرىلعانىن كورگەنىن ايتادى. بۇدان كەيىن اتا-انالارمەن Zoom ارقىلى جينالىس وتكىزىپ، ولاردان كەشىرىم سۇراعان.
«سىيلىقتاردىڭ جارامدىلىق مەرزىمىن تەكسەرمەگەنىم ءۇشىن ءوز كىنامدى مويىندايمىن. بۇل – ەرەكشە بالالار. ءتىپتى، وسىلاي بولادى دەپ ويلاماعان ەدىم. بۇعان قوسا، سىيلىقتاردى ەرتەرەك ەمەس، شىرشا مەرەكەسى تاياپ قالعان كەزدە جەتكىزدى»، – دەيدى قايرات سماعۇلوۆ.
ايتۋىنشا، ەرەكشە بالالارعا ارنالعان مۇنداي ەرتەڭگىلىكتەردە جىل سايىن تەاترلاندىرىلعان قويىلىم ۇيىمداستىرىلادى، سىيلىقتار بەرىلەدى.
«قالا بويىنشا بارلىعى 291 ەرەكشە بالا بار جانە كاسىپورىن بارلىق ەرەكشە بالالارعا سىيلىقتار بەرەدى»، – دەيدى ول.
ءبولىم باسشىسى الداعى كۇندەرى سىيلىقتار اۋىستىرىلاتىنىن ءمالىم ەتتى.