تۇرعىندارعا قىزمەت كورسەتۋ ساپاسىن جاقسارتۋ جانە جايلىلىعىن ارتتىرۋ ءۇشىن قوعامدىق كولىك پاركى ۇنەمى جاڭارتىلىپ وتىرادى، دەپ حابارلايدى Almaty-akshamy.kz.
سونداي-اق قالا اكىمى ە.دوسايەۆ مەدەۋ اۋدانى تۇرعىندارىمەن كەزدەسۋىندە تۇرعىندارعا قىزمەت كورسەتەتىن 22 مارشرۋتتاعى جىلجىمالى قۇرامداردىڭ جاڭارتىلاتىنىن جەتكىزدى.
«سىزدەردىڭ اۋداندارىڭىز جول قوزعالىسى قارقىندى، حالىق تىعىز ورنالاسقان اۋدانداردىڭ ءبىرى بولىپ تابىلادى. قالا اكىمدىگى قوعامدىق قاۋىپسىزدىكتى قامتاماسىز ەتۋ ءۇشىن كەشەندى جۇمىستار جۇرگىزۋدە. Iء-شى توقساندا مەدەۋ اۋدانىندا 57 «سەرگەك» اپپاراتتىق-باعدارلامالىق كەشەنى (290 كامەرا) ورناتىلدى. اۋداندا بەينەمونيتورينگ جۇيەلەرى جەلىسىنىڭ جوباسىن كەڭەيتۋ شەڭبەرىندە IIIء-شى توقساندا 750 جاڭا بەينەكامەرا ورناتۋ جۇمىستارى باستالادى»، -دەدى قالا اكىمى.