باسقارمانىڭ اقپاراتىنا قاراعاندا، توموگرافيانى 11C-مەتيونيندى پايدالانىپ جاساۋ ميداعى قاتەرلى ىسىكتى ەرتە دياگنوستيكالاۋعا مۇمكىندىك بەرەدى، ول ىسىك كولەمىن انىقتاۋدا «التىن ستاندارت» رەتىندە مويىندالعان.
وسى ورايدا، بىلتىر جەلتوقسان ايىندا جانە بيىل ناۋرىزدا سيكلوتروندى كەشەندە ەكى راديوفارماسيەۆتيكالىق پرەپارات وندىرىلە باستاعان. دارىگەرلەر ايتقانداي، الەمدىك تاجىريبەدە اۋرۋحانالار جىل سايىن ءبىر نەمەسە ەكى پرەپارات قانا شىعاراتىنىن ەسكەرسەك، بۇل ق ر پرەزيدەنتى ءىس باسقارماسىنىڭ اۋرۋحاناسى ءۇشىن ۇلكەن جەتىستىك. وسىلايشا، قاتەرلى ىسىك اۋرۋلارىن ەرتە باستان تابۋ مەن ەمدەۋ باعىتىندا ۇلكەن ناتيجەگە قول جەتكىزىلىپ وتىر.
يادرولىق مەديسينالىق ورتالىقتا وسىعان دەيىن 4 مىڭعا تارتا ادام دياگنوستيكادان وتكەن. ولاردىڭ 95 پايىزدان استامى تمككك ارقىلى كەلدى. سيكلوتروندى وندىرىستىك كەشەندە جىل سوڭىنا دەيىن قاتەرلى ىسىك اۋرۋلارىنا قاتىستى دياگنوستيكالىق زەرتتەۋلەر جۇرگىزۋگە ارنالعان تاعى ەكى پرەپارات وندىرىسكە شىعارىلادى دەپ جوسپارلانىپ وتىر.
«كەزەكتى جەتىستىككە قول جەتكىزگەن يادرولىق مەديسينالىق ورتالىق ماماندارىن — فيزيك، حيميك، ينجەنەر، راديوفارماسيەۆتەردى، دارىگەرلەردى، مەيىربيكەلەر مەن سانيتارلاردى قۇتتىقتايمىن. حالىق ساۋلىعى جولىنداعى ەڭبەكتەرىڭىزگە تابىس تىلەيمىز!»،-دەلىنگەن حابارلامادا.