اۋداندا مەكتەپتەردى وقۋشى ورىندارىمەن قامتاماسىز ەتۋگە ەرەكشە كوڭىل بولىنەدى.
بۇگىن الماتى اكىمى ەربولات دوسايەۆ مەدەۋ اۋدانى تۇرعىندارىمەن كەزدەستى، دەپ حابارلايدى Almaty-akshamy.kz.
ماۋسىم ايىنىڭ سوڭىنا دەيىن №48 مەكتەپ رەكونسترۋكسيادان ءوتىپ، 250 ورىندىق قوسىمشا عيمارات قۇرىلىسى اياقتالادى.
«وسى جىلدىڭ تامىز ايىندا №131 مەكتەپتى سەيسميكالىق كۇشەيتە وتىرىپ، كۇردەلى جوندەۋ اياقتالادى. سونىمەن قوسا جەكە قاراجات ەسەبىنەن وسى مەكتەپتىڭ 300 ورىندىق جاڭا كورپۋسىن سالۋعا جوبالاۋ-سمەتالىق قۇجاتتاما ازىرلەنۋدە. جوبالاۋ-سمەتالىق قۇجاتتامانىڭ اياقتالۋ مەرزىمى – وسى جىلدىڭ قىركۇيەك ايى»، - دەدى ە.دوسايەۆ.
جالپى، قوسىمشا قۇرىلىستار سالۋعا 3 جوبالاۋ-سمەتالىق قۇجاتتاما، سەيسميكالىق كۇشەيتە وتىرىپ مەكتەپتەردى كۇردەلى جوندەۋگە 3 جوبالاۋ-سمەتالىق قۇجاتتاما ازىرلەنۋدە جانە №29 مەكتەپكە قوسىمشا قۇرىلىس سالۋ ءۇشىن جەر ۋچاسكەسىن ساتىپ الۋ جۇمىستارى جۇرگىزىلۋدە (قوسىمشا قۇرىلىستار: №35، 131، 168؛ كۇردەلى جوندەۋ: №33، 99، 161؛ № 29 مەكتەپكە قوسىمشا قۇرىلىس ءۇشىن جەر ۋچاسكەسىن ساتىپ الۋ).
«جايلى مەكتەپ» ۇلتتىق جوباسى اياسىندا قۇلجا كۇرە جولىنىڭ وڭتۇستىگىندە 2000 ورىندىق جاڭا مەكتەپ سالىنادى. قۇرىلىستى باستاۋ وسى جىلدىڭ
IVء-شى توقسانىنا جوسپارلانعان. جەكە ينۆەستوردىڭ («MG City» ج ش س) قاراجاتى ەسەبىنەن 2024 جىلى «دۋمان» شاعىن اۋدانىندا 1200 ورىندىق مەكتەپ سالۋ جوسپارلانعان.
وسى جىلى 2 بالاباقشانى - №112 جانە №195 بالاباقشانى سەيسميكالىق كۇشەيتە وتىرىپ، كۇردەلى جوندەۋدى باستاۋ جوسپارلانۋدا. بۇگىنگى كۇنى
247 ورىندىق 5 جەكە مەنشىك بالاباقشا اشىلدى، سونداي-اق بيىل تاعى 253 ورىندىق 5 جەكە مەنشىك بالاباقشا اشۋ جوسپارلانۋدا.