بۇل ماسەلە ارنايى كەڭەس بارىسىندا تالقىلاندى.
وقۋ-اعارتۋ ءمينيسترى اسحات ايماعامبەتوۆ وبلىستار مەن رەسپۋبليكالىق ماڭىزى بار قالا اكىمدەرىنىڭ ورىنباسارلارىمەن، ق ر ييدم قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ وكىلدەرىمەن كەڭەس وتكىزدى. كۇن تارتىبىندە «جايلى مەكتەپ» ۇلتتىق جوباسىنىڭ پيلوتىن ىسكە اسىرۋ ماسەلەلەرى قارالدى، دەپ حابارلايدى Almaty-akshamy.kz.
مينيستر جەتەكشىلىك ەتەتىن اكىم ورىنباسارلارىنىڭ اقپاراتىن تىڭدادى.
وبلىستار مەن استانا، الماتى جانە شىمكەنت قالالارى اكىمدىكتەرىنىڭ وكىلدەرىمەن جايلى مەكتەپتەر سالۋ ءۇشىن جەر تەلىمدەرىن ءبولۋ، جوبالىق قۇجاتتارىن دايىنداۋ، سونداي-اق ينجەنەرلىك-كوممۋنيكاسيالىق ينفراقۇرىلىممەن، ياعني ەلەكترمەن، سۋمەن، جىلۋمەن قامتاماسىز ەتۋ ماسەلەلەرى تالقىلاندى. سونىمەن قاتار كارىز، كىرەبەرىس جولدار، جاڭا مەكتەپتەرگە تروتۋارلار، قوعامدىق كولىكپەن قامتاماسىز ەتۋ، ايالدامالار جانە ت.ب. ماسەلەلەر قارالدى.
زاڭنامالىق تۇرعىدا مەكتەپ سالۋ ماسەلەسى اكىمدىكتەردىڭ قۇزىرىندا. ءبىراق وقۋ-اعارتۋ مينيسترلىگىنىڭ وكىلدەرى اۋقىمدى جوبانىڭ جۇزەگە اسىرىلۋىن باقىلاۋدا ۇستايتىنىن اتاپ ءوتتى.
«جايلى مەكتەپ» جاڭا ۇلتتىق جوباسى بويىنشا كەمىندە 800 مىڭ وقۋشى ورنىن پايدالانۋعا بەرۋ جانە اپاتتى، ءۇشاۋىسىمدى مەكتەپتەر مەن وقۋشى ورنىنىڭ تاپشىلىعى ماسەلەلەسىن شەشۋ جوسپارلانعان.