وتكەن جىلى حالىق سانى 7 ميلليارد بولعان.
2022 جىلدىڭ 15 قاراشاسىندا الەم حالقىنىڭ سانى 8 ميلليارد ادامعا جەتتى، دەپ حابارلايدى Almaty-akshamy.kz
بۇعان ستاتيستيكالىق سايتتىڭ ونلاين ەسەپتەگىشىنىڭ مالىمەتتەرى دالەل.
مىسالى، worldometers.info سايتىنىڭ مالىمەتىنشە، 15 قاراشادا استانا ۋاقىتى بويىنشا ساعات 14:00-دە جەر بەتىندەگى حالىق سانى 8 000 000 002-دەن باستالادى.
15 تامىزدا بىرىككەن ۇلتتار ۇيىمى 15 قاراشاعا دەيىن 8 ميللياردقا جەتەدى دەپ بولجاعان ەدى. بولجام ءدال كەلدى.
الەم حالقىنىڭ سانى 19 عاسىردىڭ باسىندا العاشقى ميللياردقا جەتتى. 120 جىلدان كەيىن عانا جەردەگىلەردىڭ سانى ەكى ەسە ءوستى.
عالامشاردا ءومىر سۇرەتىن ادامدار سانىنىڭ نەگىزگى ءوسۋى 20 عاسىردا بولدى. ءولىم-جىتىمنىڭ تومەندەۋى جانە ءومىر ءسۇرۋ ۇزاقتىعىنىڭ ارتۋى اياسىندا حالىق سانى 1،6 ميللياردتان 6 ميللياردقا دەيىن ءوستى.