ەربولات دوسايەۆ ءۆانداليزمدى بولدىرماۋ ءۇشىن جاڭا اۋلالاردى بەينەباقىلاۋ كامەرالارىمەن جابدىقتاۋدى تاپسىردى
الماتى اكىمى ەربولات دوسايەۆ اۋەزوۆ اۋدانىن ارالاۋ بارىسىندا 7 شاعىن اۋدانداعى اۋلا اۋماقتارىن اباتتاندىرۋ جۇمىستارىنىڭ بارىسىمەن تانىسىپ، تۇرعىندارمەن وزەكتى ماسەلەلەر بويىنشا سويلەستى.
7 جانە 12 شاعىن اۋدانداردا 35 اۋلا ورنالاسقان، ونىڭ 24ء-ى اعىمداعى جىلى جوندەلدى، دەپ حابارلادى اۋەزوۆ اۋدانىنىڭ اكىمى ابزال ەگەمبەردييەۆ. مودەرنيزاسيالاۋ اياسىندا اۋلالاردا باسكەتبول، فۋتبول الاڭدارى سالىندى، جارىق تۇراقتى ءارى ساپالى، ەندى ىرگەلەس اۋماق اباتتاندىرىلۋدا. جۇمىستى «سەنىم قۇرىلىسسەرۆيس» ج ش س مەردىگەرلىك ۇيىمى جۇرگىزۋدە. تۇرعىنداردىڭ ءوتىنىشى بويىنشا تۇراق ايماقتارى قوسىمشا كەڭەيتىلىپ، بيۋدجەت قاراجاتىنىڭ ۇنەمدەلۋى ەسەبىنەن كوگالداندىرۋ جۇرگىزىلۋدە.
اۋەزوۆ اۋدانى – الماتىداعى ەڭ تىعىز قونىستانعانداردىڭ ءبىرى، ونىڭ تۇرعىن ءۇي قورى 1 700 كوپپاتەرلى ۇيدەن اسادى، اۋماعىندا 966 اۋلا ورنالاسقان. بۇل قالانىڭ باسقا اۋداندارىنا قاراعاندا كوپ. الماتى اكىمى ەربولات دوسايەۆ بارلىق اۋلالاردىڭ جاعدايىن تالداپ، ءۇي ماڭىنداعى اۋماقتاردى جوندەۋ باعدارلاماسىن جالعاستىرۋدى تاپسىردى. قالا باسشىسى ءۆانداليزمدى بولدىرماۋ ءۇشىن بارلىق اۋلالاردى بەينەباقىلاۋمەن جابدىقتاۋ قاجەتتىگىن اتاپ ءوتتى. جوندەۋ جۇمىستارى اياقتالاتىن جاڭا 24 الاڭدا جاقىن ارادا كامەرالار پايدا بولادى، دەپ حابارلادى اۋدان اكىمى ابزال ەگەمبەردييەۆ.
سونداي-اق، ارالاۋ بارىسىندا ەربولات دوسايەۆ سۋ باسۋ، كوگالداندىرۋ جانە جاڭا دەمالىس ايماعى تاقىرىبىندا 7 جانە 12 شاعىن اۋدانداردىڭ تۇرعىندارىمەن كەزدەسۋ وتكىزدى. قالا باسشىسى قازىرگى ۋاقىتتا كۇزگى ەكپەلەر جالعاسىپ جاتقانىن – اعىمداعى جىلى كوگالداندىرۋ اياقتالماعانىن، سۋ باسۋ پروبلەمالارى جوسپارلى تۇردە شەشىلۋدە ەكەنىن اتاپ ءوتتى. بۇدان باسقا، 2024 جىلعا «حالىق قاتىساتىن بيۋدجەت» باعدارلاماسىن قارجىلاندىرۋ ۇلعايتىلادى: قالانىڭ 6 اۋدانىنا 2 ملرد تەڭگەدەن جانە الاتاۋ جانە ناۋرىزباي اۋداندارى ءۇشىن 2،5 ملرد تەڭگەدەن ءبولۋ جوسپارلانۋدا. قوسىمشا قاراجات حالىقتىڭ ەڭ وزەكتى جانە سۇرانىسقا يە جوبالارىن ىسكە اسىرۋعا باعىتتالاتىن بولادى.
انىقتاما:
اۋلا اۋماقتارىن كۇردەلى جوندەۋ اياسىندا 2022 جىلدان 2023 جىلعا دەيىن اۋەزوۆ اۋدانىنىڭ (8، 9، 10، 11 ش/ا جانە جەتىسۋ-1،2،3،4) 167 اۋلاسىندا جۇمىستار اياقتالدى.