جاياۋ ءجۇرىس پايدالى

جاياۋ ءجۇرۋ دە – ونەر

الەمگە ايگىلى مۇحامەد ءالي «مەنى جولىمدا ۇستايتىن نارسە – مەنىڭ ماقساتتارىم» دەپ تەرەڭ وي تاستاپتى. ءيا، راسىندا سولاي. ءبىراق مۇنىڭ استارى تىم ەرەكشە. ال ءبىزدىڭ بۇگىنگى ويىمىز جاياۋ ءجۇرۋدىڭ پايداسى مەن باسقالاي قىرلارىنا باعىتتالعان. كەيبىرىمىز جورعا، تاعى بىرەۋلەر باياۋ قيمىلداعاندى ۇناتادى. دەسە دە، ءقايتىپ جۇرسەڭىز دە، باستىسى ماقساتپەن قيمىلداعان ابزالىراق سياقتى.

ماقساتتى ءجۇرىس. بۇل – وتە ماعىنالى ءسوز. استارى بولەك، ايتار ويى زور. ەگەر دە ءاربىرىمىز ءوز دەنساۋلىعىمىزدىڭ جاناشىرى بولساق، وسىعان كوبىرەك زەيىن قويعانىمىز ءجون. ماسەلەن، كولىك، اۆتوبۋس، تروللەيبۋستان ءبىر ءسات باس تارتىڭىز. 2-3 شاقىرىم جەردەگى جۇمىسقا جاياۋ قاتىناپ كورىڭىز. كەم دەگەندە اپتاسىنا ەكى رەت. سوندا بۋىن، بەل اۋرۋى سىندى نارسەلەر ازايار ەدى. قاتتى دا جۇرمەي، جاي دا اياڭداماي، قىسقاسى، وزىڭىزگە لايىقتى دەڭگەيدى ۇستاساڭىز بولعانى. قالعانى ءوزى-اق قالىپتاسادى.

قورىتۋ. حالقىمىز «اۋىرىپ ەم ىزدەگەنشە، اۋىرمايتىن جول ىزدە» دەپتى. الگىدەن بەرى اتالعان پايىمداۋلاردى قورىتساق، وسىعان سايادى. سوندىقتان اراسىندا جاياۋ ءجۇرىپ، دەنەنى شىنىقتىرىپ، سالاۋاتتى ءومىر سالتىن قالىپتاستىرۋ ابزالدىق بولار دەمەكپىز.