قازاق كينوسىنىڭ اياسى كەڭەيدى
الەمنىڭ الپاۋىت كينوكومپانيالارى قازاقستاندا كينو تۇسىرەدى، دەپ حابارلايدى Almaty-akshamy.kz.
قازاقستاننىڭ تارتىمدى كەلبەتى الەمدىك بلوكباستەرلەردە! تانىمال شەتەل كومپانيالارى ەلىمىزدىڭ اۋماعىندا كينو تۇسىرۋگە نيەتتەنىپ وتىر.
وسى جىلدىڭ باسىندا فرانسيا جانە رەسەي ەلدەرى سىندى كينووندىرىس سالاسىنىڭ مايتالماندارىنان وتىنىشتەر كەلىپ تۇسكەن.
بۇل جونىندە ۇلتتىق كينونى قولداۋ مەملەكەتتىك ورتالىعىنان حابارلادى. ۇيىمنىڭ باس پروديۋسەرى اداي ءابىلدينوۆتىڭ ايتۋىنشا، بۇنداي كەلىسىمدەر بۇعان دەيىن دە جاسالعان. ولاردى جۇزەگە اسىرۋعا پاندەميا كەدەرگى كەلتىرگەن.
«2019 جىلى كينو ورتالىق پەن شەتەلدىك كومپانيالار ءبىرقاتار كەلىسوز جۇرگىزدى. امەريكالىق «NBC Universal»، «Warner Brothers»، «Discovery»، «Global Film» سىندى كومپانيالار قازاقستان اۋماعىنداعى لوكاسيالارعا قىزىعۋشىلىق تانىتتى. ارينە، مۇنىڭ ءبارى پاندەمياعا دەيىن بولعان ەدى، ءتىپتى ءبىزدىڭ لوكاسيالاردا ءتۇسىرۋ بويىنشا ءبىرقاتار كەلىسىم جاسالعان»، - دەدى ۇلتتىق كينونى قولداۋ مەملەكەتتىك ورتالىعىنىڭ باس پروديۋسەرى اداي ءابىلدينوۆ.