قازاقستاندىق تەننيسشى شەشۋشى ويىندا 3:0 ەسەبىمەن العا شىقتى
20 جاستاعى سولتۇستىك قازاقستان وبلىسىنىڭ تۋماسى Astana Open ATP 250 باستاپقى ويىنىندا ATP Tour سەرياسىنداعى العاشقى ويىنىن يتاليالىق اندرەاس سەپپيدى جەڭدى، دەپ حابارلايدى Almaty-akshamy.kz ۇلتتىق وليمپيادا كوميتەتىنە سىلتەمە جاساپ.
يتاليالىق ءبىرىنشى پارتيادا ءبىر برەيكپەن العا شىققان، الايدا جەتىنشى گەيمدە تيموفەي بەلسەندى ارەكەتتەرىنىڭ ارقاسىندا رە-برەيك جاساپ، ماچتاعى تەپە-تەڭدىكتى قالپىنا كەلتىردى. قارسىلاستار وزدەرىنىڭ دوپ بەرۋدەگى ارەكەتتەرىندە قاتەلىك جاساعان جوق، سوندىقتان سەت بىرتىندەپ تاي-برەيككە ۇلاستى. ويىنداعى باسىمدىق ەسەپ 3: 4 بولعان كەزدە باستالدى، سەپپي ەكى فورحەندتەن سوعۋ كەزىندە ەكى قاتەلىك جىبەردى، ال سكاتوۆ سەتتەگى جەڭىستى ءوزىنىڭ دوپ بەرۋى كەزىندە قامتاماسىز ەتتى - 7:3.
ەكىنشى سەتتە اندرەاس ورتاڭعى سىزىققا قاراي ۇرعان سوققىلارى وتە باستادى، سول سەبەپتى قىسقا سوققىلار جۇمسادى. بۇل تارتىستا يتاليالىق جەڭدى - 6:4.
شەشۋشى ويىن سەگمەنتىندە سكاتوۆ برەيك جاساپ، 3:0 ەسەبىمەن العا شىقتى. ابدەن سىلەسى قاتقان سەپپي ويىندى تولىعىمەن قارسىلاسىنىڭ قولىنا ۇستاتا سالدى. ءبىزدىڭ تەننيسشى ىزگى نيەتتىڭ بەلگىسى رەتىندە قارسىلاسىنا ءبىر گەيمدى «سىيعا تارتتى». 2 ساعات 56 مينۋتقا سوزىلعان تەكەتىرەستىڭ ناتيجەسى 7:6، 4:6، 6:1 تيموفەي سكاتوۆتىڭ پايداسىنا شەشىلدى.