ءۇندىستاننىڭ بارلىق ايماعىندا اپتاپ ىستىقتىڭ ورناۋىنا بايلانىستى قىشتان جاسالعان ىدىستارعا سۇرانىس كۇرت ارتقان.
بۇل جايىندا aqshamnews.kz islam.kz پورتالىنا سىلتەمە جاساي وتىرىپ ءمالىم ەتەدى.
عاسىرلار بويى ادامزاتتىڭ ەڭ قاجەتتى تۇرمىستىق بۇيىمىنا اينالعان قىش قۇمىرا، قۇتى، ت.ب. بۇگىندە قولدانىلىپ جۇرگەن شىنى نەمەسە تەمىر يا بولماسا پلاستيك ىدىس-اياققا قاراعاندا اپتاپ ىستىقتا سۋدى سالقىنداتا الاتىن قاسيەتكە يە.
ءۇندىستان جاھاندىق جىلىنۋدان قاتتى زارداپ شەگەتىن ايماقتاردىڭ بىرىنە جاتادى. وتكەن جىلعى اپتاپ ىستىقتان 3300-دەي ادام كوز جۇمعان. بيىلدىڭ وزىندە كوكتەمنىڭ ورتا شەنىنە جەتپەي اپتاپ ىستىقتان توتەنشە جاعداي ورىن الىپ وتىر: ءۇندىستاننىڭ كەي ايماعىندا، دالىرەگى، راجاستاندا اۋا تەمپەراتۋراسى سەلسيا بويىنشا 45،6 گرادۋسقا جەتكەن. وسىعان بايلانىستى قىش ىدىستار اپتاپ ىستىقپەن كۇرەسۋدىڭ بىردەن-بىر ءتيىمدى قۇرالىنا اينالىپ وتىر تۋرا ماعىناسىندا. جەرگىلىكتى شەبەرلەردىڭ ساۋداسى ءجۇرىپ تۇر.