اسا ءىرى كولەمدە پسيحوتروپتىق زاتتاردىڭ زاڭسىز اينالىمى ءۇشىن ىزدەۋدە جۇرگەن ازامات ارمەنيادان ەكستراديسيالاندى
بۇگىن ق ر باس پروكۋراتۋراسى جانە ق ر ءىىم ينتەرپول قىزمەتكەرلەرى سىرتقى ىستەر مينيسترلىگىنىڭ كومەگىمەن اسا iرi مولشەردەگى پسيحوتروپتىق زاتتاردىڭ، سونداي-اق سول تەكتەستەردىڭ زاڭسىز اينالىمى ءۇشىن قىلمىستىق جاۋاپكەرشىلىككە تارتۋ ماقساتىندا قازاقستان ازاماتىن ەكستراديسيالادى، دەپ حابارلايدى aqshamnews.kz.
بۇعان دەيىن قوستانايلىق پوليسەيلەر الفا-پۆپ پسيحوتروپتىق زاتىنىڭ جانە سولتەكتەس–مەفەدروننىڭ زاڭسىز اينالىمىنا قاتىستى جەدەل-ىزدەستىرۋ ءىس-شارالارىن جۇرگىزۋ بارىسىندا كۇدىكتىنى اشكەرەلەدى. الايدا وعان قوعامنان وقشاۋلانۋعا بايلانىستى ەمەس بۇلتارتپاۋ شاراسى تاڭدالۋىنا بايلانىستى ول تەرگەۋدەن جاسىرىنعاندىقتان، حالىقارالىق ىزدەۋگە جاريالانعان. وتكەن جىلدىڭ قىركۇيەك ايىندا اتالعان ادام ەريەۆاندا ۇستالىپ، ودان كەيىن قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا قازاقستانعا ەكستراديسيالاندى. قازىرگى ۋاقىتتا كۇدىكتى اقتاۋ قالاسىنداعى تەرگەۋ يزولياتورىنا قامالدى. ايىپتالعان قىلمىستى جاساعانى ءۇشىن 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ جازاسى