24 سوتتالعان ادام تۇرعىلىقتى جەرىنە كەلمەگەن
ءىىم ناۋرىز مەيرامى قارساڭىندا جانە مەرەكە اياقتالعاننان كەيىن رەسپۋبليكا كولەمىندە «قۇقىقتىق ءتارتىپ» جەدەل-پروفيلاكتيكالىق ءىس-شاراسىن وتكىزدى، دەپ حابارلايدى اlmaty-akshamy.kz
ءىىم رەسمي وكىلى شىڭعىس الەكەشيەۆ شارانىڭ باستى ماقساتى - ەلىمىزدە «زاڭ مەن ءتارتىپ قاعيداتىن» قامتاماسىز ەتۋ، قۇقىق بۇزۋشىلىقتار مەن قىلمىستىڭ الدىن الۋ ەكەنىن ايتتى.
«ءىس-شاراعا 14 مىڭعا جۋىق پوليسيا قىزمەتكەرى مەن ۇلتتىق ۇلاننىڭ اسكەري قىزمەتشىسى جۇمىلدىرىلدى.10 كۇن ىشىندە ىزدەۋدە جۇرگەن 71 ادام ۇستالىپ، بەلگىلەنگەن تۇرعىلىقتى جەرىنە كەلمەگەن 24 سوتتالعان ازامات انىقتالدى.مىسالى، پاۆلودار وبلىسىندا ەسىرتكى ساتقانى ءۇشىن حالىقارالىق ىزدەۋدە جۇرگەن شەتەلدىك ازامات قۇرىقتالدى.ودان بولەك، 400 ملن تەڭگەنى زاڭسىز يەمدەنىپ، ۇزاق ۋاقىت بويى سوت تورەلىگىنەن جاسىرىنىپ كەلگەن الاياق ۇستالدى»،- دەدى ول.
الەكەشيەۆتىڭ ايتۋىنشا، ارنايى قابىلداۋ-تاراتۋ ورنىنا 661 ادام ورنالاستىرىلدى.
«ولاردىڭ اراسىندا بەلگىلى ءبىر تۇرعىلىقتى جەرى جوق ادامدار، قۇجاتتارى جوق شەتەلدىكتەر بار.رەيدتىك ءىس-شارالار بارىسىندا تىيىم سالىنعان زاتتاردى زاڭسىز ساقتاۋ مەن الىپ ءجۇرۋدىڭ 362 فاكتىسى انىقتالدى، 92 كەلى ەسىرتكى، 35 اتىس قارۋى جانە 161 سۋىق قارۋتاركىلەندى»،- دەدى ول.
جول قاۋىپسىزدىگىن قامتاماسىز ەتۋگە ەرەكشە نازار اۋدارىلعان.
جول قوزعالىسىن قاداعالاۋ كەزىندە:
- جىلدامدىق رەجيمىن ساقتاماۋدىڭ 22 مىڭ فاكتىسى؛
- قارسى جولاققا شىعۋدىڭ 337 فاكتىسى تىركەلدى.
«اۆتوكولىكتى ماس كۇيدە باسقارعان 437 جۇرگىزۋشى ۇستالدى. ونىڭ 16-ى ەسىرتكىلىك ماساڭ كۇيدە بولعان.جۇرگىزۋشى كۋالىگىنەن ايىرىلسا دا، كولىك تىزگىندەگەن 267 ادام انىقتالدى»،- دەيدى رەسمي وكىل.