2024 جىلدىڭ 4 ساۋىرىندە اباي اتىنداعى قازۇپۋ-دا عىلىم قىزمەتكەرلەرىنىڭ كۇنىنە ورايلاستىرىلعان عىلىم دەكاداسى-2024 ساياسات، مادەنيەت جانە ءدىن ماسەلەلەرىن زەرتتەۋ ورتالىعىنىڭ سالتاناتتى اشىلۋىمەن باستالدى.
ورتالىق ق ر عىلىم جانە جوعارى ءبىلىم مينيسترلىگى قارجىلاندىراتىن «ۆR21882428 - پوستقالىپتى كەزەڭدەگى يسلامنىڭ رۋحاني، مادەني، ساياسي، الەۋمەتتىك فەنومەن رەتىندەگى اسەرى مەن بولاشاعى: تاياۋ شىعىس جانە ورتالىق ازيا ەلدەرىنىڭ تاجىريبەسى» باعدارلامالىق-نىسانالى عىلىمي جوبا اياسىندا اشىلدى (عىلىمي جەتەكشىسى – PhD ەلەنا مۋزىكينا).
ءىس-شارا بارىسىندا باسقارما توراعاسى-رەكتور بولات تىلەپ قاتىسۋشىلاردى جاڭا ورتالىقتىڭ اشىلۋىمەن قۇتتىقتاپ، ۋنيۆەرسيتەتتىڭ عىلىمي الەۋەتىن دامىتۋعا باعىتتالعان بۇل ماڭىزدى قادام جاس عالىمدار مەن زەرتتەۋشىلەر ءۇشىن جاڭا پەرسپەكتيۆالار اشىپ، ورتالىقتىڭ قازىرگى الەمدەگى ساياساتتىڭ، مادەنيەت پەن ءدىننىڭ كۇردەلى اسپەكتىلەرىن تەرەڭ زەرتتەۋگە ۇلكەن مۇمكىندىك بەرەتىنىن اتاپ ءوتتى. سونىمەن قاتار، ۋنيۆەرسيتەت باسشىسى بۇل باستاما تەك ۋنيۆەرسيتەتتە عانا ەمەس، جالپى ەلدە دە عىلىمي زەرتتەۋلەردىڭ جاندانۋىنا ىقپال ەتەتىنىنە توقتالدى.
ساياسات، مادەنيەت جانە ءدىن ماسەلەلەرىن زەرتتەۋ ورتالىعىنىڭ اشىلۋى ۋنيۆەرسيتەتتىڭ عىلىمي بازاسىن نىعايتاتىن جانە عىلىمي زەرتتەۋلەردى، اسىرەسە قازىرگى الەمدەگى اسەرلەر مەن پەرسپەكتيۆالاردى زەرتتەۋ كونتەكستىندە جانداندىرۋعا ىقپال ەتەتىن ماڭىزدى وقيعا بولىپ تابىلادى.
ق ر عىلىم جانە جوعارى ءبىلىم مينيسترلىگى قارجىلاندىراتىن جوبا عالىمدار مەن جاس زەرتتەۋشىلەرگە قوعام دامۋىنىڭ كۇردەلى اسپەكتىلەرىن زەرتتەپ، تالداۋعا بىرەگەي مۇمكىندىك بەرەدى.
ورتالىقتىڭ قۇرىلۋى قازاقستاننىڭ جەتەكشى پەداگوگيكالىق ۋنيۆەرسيتەتىنىڭ عىلىمي بازاسى مەن اكادەميالىق بەدەلىن نىعايتۋعا، سونداي-اق ماڭىزدى الەۋمەتتىك-مادەني جانە ساياسي ماسەلەلەردى زەرتتەۋدىڭ زاماناۋي تاسىلدەرىن دامىتۋعا باعىتتالعان تاعى ءبىر قادام بولىپ تابىلادى.
