ءىىم رەسمي وكىلى شىڭعىس الەكەشيەۆ قازاقستاندى ەسىرتكى تۇتىنىپ، اۆتوموبيل باسقارعان 16 ادام ۇستالعانىن ايتتى، - دەپ حابارلايدى اlmaty-akshamy.kz.
ونىڭ ايتۋىنشا، ىشكى ىستەر مينيسترلىگى ناۋرىز مەيرامى قارساڭىندا جانە ول اياقتالعاننان كەيىن "قۇقىقتىق ءتارتىپ" جەدەل-پروفيلاكتيكالىق ءىس-شاراسىن وتكىزگەن. وعان 14 مىڭعا جۋىق پوليسەي مەن ۇلتتىق ۇلان ساربازدارى تارتىلعان.
"10 كۇندە ىزدەۋدە جۇرگەن 71 ادام ۇستالىپ، بەلگىلەنگەن تۇرعىلىقتى جەرىنە كەلمەگەن 24 سوتتالعان ازامات انىقتالدى. ارنايى قابىلداۋ-تاراتۋ ورنىنا 661 ادام ورنالاستىرىلدى. ولاردىڭ اراسىندا تۇرعىلىقتى مەكەنجايى جوق ادامدار مەن قۇجاتتارى جوق شەتەلدىكتەر بار"، - دەدى شىڭعىس الەكەشيەۆ ىىم-دە وتكەن ونلاين بريفينگتە.
رەسمي وكىل رەيدتىك ءىس-شارا بارىسىندا تىيىم سالىنعان زاتتاردى زاڭسىز ساقتاۋ مەن الىپ ءجۇرۋدىڭ 362 فاكتىسىنىڭ انىقتالعانىن، 92 كەلى ەسىرتكى، 35 اتىس قارۋى جانە 161 سۋىق قارۋ تاركىلەنگەنىن اتاپ ءوتتى.
سونىمەن قاتار ول جول قاۋىپسىزدىگىن قامتاماسىز ەتۋ باستى نازاردا بولعانىن اتاپ ءوتتى.
"ءىس-شارا بارىسىندا جىلدامدىق رەجيمىن ساقتاماۋدىڭ 22 مىڭ فاكتىسى، جولدىڭ قارسى بولىگىنە شىعۋدىڭ 337 فاكتىسى تىركەلدى. كولىكتى ماس كۇيدە باسقارعان 437 جۇرگىزۋشى ۇستالدى. ونىڭ 16-سى ەسىرتكى پايدالانعانى انىقتالدى. جۇرگىزۋشى كۋالىگىنەن ايىرىلسا دا 267 ادامنىڭ كولىك باسقارعان"، - دەدى رەسمي وكىل.