الماتىدا «Mamluk.سۇلتان بەيبارىس» اتتى قويىلىم ساۋندراما جانرىندا كورەرمەن نازارىنا ۇسىنىلدى.
سپەكتاكل قىپشاق دالاسىندا تۋىپ، مىسىردا ەل باسقارعان سۇلتان بەيبارىس تۋرالى سىر شەرتەدى. جاڭا ساحنالىق قويىلىم تاريحتا قالعان تۇلعانىڭ كوشباسشىلىق، جاۋىنگەرلىك قابىلەتىن كوپكە ۇلگى ەتەدى. ەرەكشە قويىلىم سۇلتان بەيبارىستىڭ 800 جىلدىعىنا وراي ازىرلەندى، دەپ حابارلايدى Almaty-akshamy.kz.
24.kzء-تىڭ مالىمەتىنشە، جانرى ساۋندراما بولعاندىقتان بىرنەشە باعىتتى قامتيدى. وزگەشەلىگى ەتنو-فولكلورلىق انسامبل مەن حورەوگرافتارتارعا باسا نازار اۋدارىلدى. وعان قوسا مۋزىكانتتار، كومپوزيتور، اكتورلار مەن دىبىس رەجيسسەرلارى بىرىگىپ جۇمىس ىستەدى.
«ەرەكشەلىكتەرى بار، ءسوز جوق. سوزگە قۇرىلماعان ءبارى ساۋند-دراما بولعاننان كەيىن، ءبارى ىس-ارەكەت پەن مۋزىكاعا قۇرىلعان. بىلاي ايتقاندا، سۇلتان بەيبارىس قالاي دۇنيەگە كەلەدى. قالاي مامليۋك كەزىنەن، ول سۇلتان بولدى. وسى ومىرىنەن ءبىزدىڭ رەجيسسەرىمىز فارحاد مولداعالي تاعى دا ءبىر دۇنيەسىن ەلگە تارتۋ ەتەيىن دەپ جاتىر»، - دەيدى الاتاۋ ءداستۇرلى ونەر تەاترىنىڭ ترۋپپا جەتەكشىسى ساتتار ەرۋبايەۆ.
ونەر يەلەرى ساۋن-دراما ارقىلى ۇلتتىق فولكلوردى، قازاق ونەرىن، دالا داۋىسىن، ونىڭ اۋەندەرىن تابيعي تۇردە تانىتقىسى كەلگەن. قويىلىمدى تاماشالاعان ادام ءبىر اۋىز ءسوزسىز-اق ونەر الەمىنە ەنىپ كەتەدى.
«ءبىزدىڭ دالا داۋىستارىن، انشىلەردىڭ جىرشىلاردىڭ، جوقتاۋ، قانشاما دالانىڭ كۇن كۇركىرەۋىنەن باستاپ، ادامداردىڭ ءسوز سويلەۋ ينتوناسيالارىنا دەيىن، ادامداردىڭ وسى جاڭاعى مۋزىكا، پلاستيكا ءسوز تىنىشتىق، ۇلتتىق اسپاپتار، وسىنداي حورەوگرافيالىق دۇنيەلەر سونىڭ بارلىعى ءبىر جەرگە جينالعان كەزدە وسىنىڭ بارلىعى ارقىلى ءبىز ساۋند-دراما جاساي الامىز»، - دەيدى رەجيسسەر فارحاد مولداعالي.
تەاتر ۇجىمى قويىلىمعا تاريحي دراما رەتىندە ەمەس، زاماناۋي سپەكتاكل رەتىندە رەڭك بەرگەن. ونىڭ بۇگىنگى كۇنمەن ۇندەس بولۋىن قالاعان. ودان قازىرگى قوعامنىڭ كورىنىسىن كورۋگە بولادى.
«بەيبارىستىڭ دا ءوزىنىڭ ىشكى تراگەدياسى بولعان قازاقتىڭ، قىپشاقتىڭ دالاسىنداعى ءبىر بالا رەتىندە ەمەس. بەيبارىس قازاق دەگەن ۇراندى بۇل جەردەن الىپ تاستادىق. ويتكەنى بۇعان دەيىنگى سپەكتاكلدەر سولاي قويىلعان. ول قايتادان قايتالامايىق دەگەن نيەتپەن بەيبارىستى الەمدىك تۇلعا، رەتىندە كورسەتۋگە تىرىستىق»، - دەيدى رەجيسسەر فارحاد مولداعالي.
قويىلىم زاماناۋي جاڭاشىلدىق پەن رەجيسسەرلىك ۇتىمدى شەشىمدەردى قولدانا وتىرىپ، بەيبارىستىڭ ادامي بولمىسىن اشۋدى ماقسات ەتكەن. وعان تەاتردىڭ 74 ءارتىcءى، بيشىلەر توبى جانە «الاتاۋ» ەتنو-فولكلورلىق ءانسامبلى اتسالىستى. جاڭا قويىلىم الداعى ۋاقىتتا 4 حالىقارالىق فەستيۆالگە قاتىسادى.