ەلىمىزدە ەرلى-زايىپتىلار زەينەتاقى جيناعىن بىرىكتىرە الادى

ەلىمىزدە ەرلى-زايىپتىلار زەينەتاقى جيناعىن بىرىكتىرە الادى سۋرەت: Tengrinews.kz

قازاقستاندا ەرلى-زايىپتى زەينەتاقى اننۋيتەتىن ەنگىزۋ جوسپارلانىپ وتىر. ول ەرلى-زايىپتىلاردىڭ نەمەسە جاقىن تۋىستاردىڭ زەينەتاقى جيناقتارىن بىرىكتىرۋگە جانە ولاردىڭ ءارقايسىسىنا جەكە كەستە بويىنشا ءومىر بويى تولەمدەر بەلگىلەۋگە مۇمكىندىك بەرەدى.




12 شىلدەدە مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساقتاندىرۋ نارىعىن جانە باعالى قاعازدار نارىعىن رەتتەۋ مەن دامىتۋ بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنا قول قويعان ەدى.


زاڭداعى جاڭالىقتاردىڭ ءبىرى – بىرلەسكەن (ەرلى-زايىپتى) زەينەتاقى اننۋيتەتىن ەنگىزۋ، دەپ حابارلايدى Almaty-akshamy.kz قازاقپاراتقا سىلتەمە جاساپ. 



«مىسالى ەرلى-زايىپتىلاردىڭ، 55 جاستاعى كۇيەۋى مەن ايەلىنىڭ 11،6 ملن تەڭگە جانە 5 ملن تەڭگە مولشەرىندە زەينەتاقى جيناعى بار. بۇل رەتتە كۇيەۋى ءۇشىن ەڭ تومەنگى كۇنكورىس دەڭگەيىنىڭ 70% مولشەرىندەگى اي سايىنعى تولەممەن زەينەتاقى اننۋيتەتىنىڭ ەڭ تومەن قۇنى 7،4 ملن تەڭگەنى، ايەلى ءۇشىن – 9،2 ملن تەڭگەنى قۇرايدى. تيىسىنشە، ايەلدىڭ جيناق سوماسى جەكە زەينەتاقى اننۋيتەتى شارتىن جاساسۋ ءۇشىن جەتكىلىكسىز. جيناقتى بىرىكتىرىپ جانە بىرلەسكەن زەينەتاقى اننۋيتەتى شارتىن جاساي وتىرىپ، ەرلى-زايىپتىلاردىڭ ءارقايسىسى ءومىر بويىنا تولەم الا الادى»، - دەدى ق ر قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى ماريا حادجييەۆا ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.



ونىڭ ايتۋىنشا، بىرلەسكەن زەينەتاقى اننۋيتەتتەرىن ەنگىزۋ ازاماتتاردىڭ جيناق باستامالارىن ارتتىرۋعا جانە زەينەتكەرلىككە شىققان كەزدە ولارعا قوسىمشا جيناقتاردى قامتاماسىز ەتۋگە مۇمكىندىك بەرەدى.



«دامىعان ەلدەردە زەينەتاقى اننۋيتەتى شارتتارى زەينەتاقى جۇيەسىنىڭ اجىراماس بولىگى بولىپ تابىلادى. سكانديناۆيا ەلدەرىندە (دانيا، شۆەسيا، رۆەگيا) بىرلەسكەن اننۋيتەتتەر ەرىكتى ونىمدەر بولىپ تابىلادى، ال لاتىن امەريكاسى ەلدەرىندە (چيلي، مەكسيكا، ارگەنتينا) بىرلەسكەن اننۋيتەتتەر مىندەتتى سيپاتقا يە»، - دەدى م. حادجييەۆا.




ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

16:33

16:28

13:27

12:23

12:17

12:15

12:13

12:05

12:03

12:01

11:59

11:57

11:55

11:53

11:51

11:46

11:43

11:41

11:39

11:37

11:34

11:31

11:29

11:26

11:24