پاريجدە ۇلى كومپوزيتور، ديريجەر، حالىق قاھارمانى، قازاق مۋزىكاسىنىڭ زاڭعار تۇلعاسى نۇرعيسا تىلەندييەۆتىڭ 100 جىلدىق مەرەيتويىنا ارنالعان «شابىت باستاۋى: نۇرعيسا تىلەندييەۆتىڭ مۇراسى» اتتى حالىقارالىق كورمەنىڭ سالتاناتتى اشىلۋى ءوتتى، دەپ حابارلايدى aqshamnews.kz
اسا كورنەكتى ونەر يەسىنىڭ عاسىرلىق مەرەيتويى – تەك قازاق حالقى ءۇشىن عانا ەمەس، بارشا وركەنيەتتى الەم ءۇشىن ەلەۋلى وقيعا. بۇل ماڭىزدى داتا يۋنەسكو تاراپىنان حالىقارالىق دەڭگەيدە اتالىپ وتەتىن مەرەيتويلار قاتارىنا ەنگىزىلدى.
اتالمىش كورمەدە الماتى قالاسىنداعى مۋزەيلەر بىرلەستىگىنىڭ قورىنان الىنعان 70-كە جۋىق قۇندى جادىگەر قويىلعان. ولاردىڭ قاتارىندا كومپوزيتوردىڭ ءوز قولىمەن جازعان پارتيتۋرالارى، سيرەك فوتوسۋرەتتەرى، جەكە زاتتارى، سونداي-اق احمەت جۇبانوۆ سىيعا تارتقان «داريعا دومبىرا» دا بار.
كورمەنىڭ اشىلۋ سالتاناتىنا يۋنەسكو-عا مۇشە ەلدەردىڭ ەلشىلەرى، ديپلوماتيالىق ميسسيا وكىلدەرى، حالىقارالىق ۇيىم قىزمەتكەرلەرى، فرانسيا جۇرتشىلىعى مەن سوندا تۇراتىن قازاق دياسپوراسى قاتىستى. كورمە 19 ماۋسىمعا دەيىن جالعاسادى.
يۋنەسكو-نىڭ شتاب-پاتەرىندە نۇرعيسا تىلەندييەۆكە ارنالعان كورمە اشىلدى
- اۆتور aqshamnews.kz
- 11:27، 16 ماۋسىم 2025
ينتەرنەتتەن