الماتىلىق پوليسيا 45 ملن تەڭگەدەن استام قاراجاتتى اينالدىرعان دروپپەرلەردى ۇستادى، - دەپ حابارلايدى aqshamnews.kz Polisia.kz-كە سىلتەمە جاساپ.
الماتى قالاسىندا پوليسەيلەر ينتەرنەت-الاياقتىق ارەكەتتەرى بويىنشا جۇرگىزىلگەن ارنايى وپەراسيا ناتيجەسىندە ەكى كۇدىكتىنى ۇستادى. ولاردىڭ ءبىرى – ەلىمىزگە قىلمىستىق ماقساتپەن كەلگەن شەتەل ازاماتى. تەرگەۋ بارىسىندا انىقتالعانداي، بۇل ادامدار الاياقتىق جولمەن ازاماتتاردىڭ بانك كارتالارىنان ۇرلانعان قاراجاتتى قولما-قول اقشاعا اينالدىرۋمەن اينالىسقان. كۇدىكتىلەر كولەڭكەلى ينتەرنەت-ارنالارداعى كۋراتورلاردىڭ تاپسىرمالارىن ورىنداپ، بانكوماتتاردان ءىرى كولەمدە اقشا شەشىپ، ونىڭ بەلگىلى ءبىر پايىزىن سىياقى رەتىندە الىپ وتىرعان. ءىزىن جاسىرۋ ءۇشىن ولار ءتۇرلى تاسىلدەرگە، سونىڭ ىشىندە سىرتقى كەلبەتتەرىن وزگەرتۋگە دەيىن بارعان. قۇقىق قورعاۋشىلار قىلمىستىق ارەكەتتەن الىنعان قاراجاتتىڭ ءبىر بولىگىن تاركىلەپ ۇلگەردى. تەرگەۋ بارىسىندا ولاردىڭ وزگە دە قىلمىستىق ەپيزودتارعا قاتىستىلىعى انىقتالۋدا. الدىن الا مالىمەت بويىنشا، قىسقا مەرزىم ىشىندە كۇدىكتىلەر 45 ملن تەڭگەدەن استام قاراجاتتى قولما-قول اقشاعا اينالدىرعان.
"پوليسيا كيبەرقىلمىسقا قاتىستى قىلمىستىق تىزبەكتەردى جۇيەلى تۇردە اشكەرەلەپ، جولىن كەسىپ كەلەدى. بۇل باعىتتاعى جۇمىستار ۇزدىكسىز جۇرگىزىلۋدە. تاعى ءبىر ەسكەرتەرىمىز – ەشقاشان جەكە دەرەكتەرىڭىزدى، بانك كارتاسىنىڭ كودتارىن بەيتانىس ادامدارعا بەرمەڭىز. ولار وزدەرىن بانك نەمەسە مەملەكەتتىك ورگان قىزمەتكەرى رەتىندە تانىستىرسا دا، مۇنداي اقپاراتتى ايتۋ ءقاۋىپتى. ەگەر ءسىز الاياقتىق ارەكەتكە تاپ بولساڭىز، دەرەۋ پوليسياعا حابارلاسىڭىز"، دەدى الماتى قالالىق پوليسيا دەپارتامەنتى كيبەرقىلمىسقا قارسى كۇرەس باسقارماسىنىڭ باستىعى انەس قالدىبايەۆ.