اسكەري-قولدانبالى جانە ويىن سپورت تۇرلەرىنەن قارۋلى كۇشتەردىڭ XX سپارتاكياداسى شەڭبەرىندە ۆولەيبولدان قارۋلى كۇشتەردىڭ چەمپيوناتى قورىتىندىلاندى.
جارىس كەڭەس وداعىنىڭ باتىرى، حالىق قاھارمانى، ارميا گەنەرالى ساعادات نۇرماعامبەتوۆ اتىنداعى ەلوردالىق اسكەري كوللەدجدە ءوتتى. اقتىق ويىن استانا قالاسىنداعى جاقسىلىق ۇشكەمپىروۆ اتىنداعى جەكپە-جەك سارايىندا ءوتتى، دەپ حابارلايدى Almaty-akshamy.kz.
ۆەدومستۆو اقپاراتىنا سۇيەنسەك، تارتىستى جارىسقا 14 كوماندا قۇرامىندا 150-دەن استام اسكەري قىزمەتشى قاتىستى.
ۆولەيبولشىلاردى چەمپيوناتتىڭ اياقتالۋىمەن قورعانىس مينيسترلىگىنىڭ سپورت كوميتەتىنىڭ ءتوراعاسى – وسك باستىعى پودپولكوۆنيك ارمان ابەۋوۆ قۇتتىقتادى.
– ۆولەيبولدا، اسكەردەگىدەي، كوماندالىق رۋحقا، ۇيلەسىمدىلىككە جانە ناتيجەگە نازار اۋدارۋ اسا ماڭىزدى. جارىسقا قاتىسۋشىلار جانكۇيەرلەردى تاماشا تەحنيكا مەن جوعارى سپورتتىق شەبەرلىكتەرىن كورسەتە وتىرىپ، قىزىق ساتتەرمەن قۋانتتى، – دەدى ول.
جارىس قورىتىندىسى بويىنشا اۋە قورعانىسى كۇشتەرىنىڭ ۆولەيبول كومانداسى ۇزدىك دەپ تانىلدى. ەكىنشى ورىندى «شىعىس» وڭىرلىك قولباسشىلىعىنىڭ قۇراماسى، ءۇشىنشى ورىن – «وڭتۇستىك» ءوڭق بۇيىردى.
جارىستى ۇيىمداستىرۋشىلار بەس نوميناسيا بويىنشا ۇزدىكتەردى ماراپاتتادى. اتاپ ايتقاندا، «ۇزدىك شابۋىلداۋشى» جانە «ۇزدىك بايلانىستىرۋشى» مەرزىمدى قىزمەتتەگى ساربازدار دوسىمجان ءابىلاش پەن ادال بەكمۇرزايەۆ (دەسانتتىق-شابۋىلداۋ اسكەرلەرى)، «ۇزدىك ويىنشى» – 3-سىنىپتى سەرجانت مارات يبرايموۆ («شىعىس» ءوڭق)، «ۇزدىك قورعاۋشى» – پودپولكوۆنيك ريشات زۇلپىقاروۆ (اۋە قورعانىسى كۇشتەرى)،«ۇزدىك ليبەرو ويىنشى» – لەيتەنانت جاسۋر باباقانوۆ (ءاشقق اسكەرلەرى).
چەمپيوناتتىڭ جەڭىمپازدارى مەن جۇلدەگەرلەرى كوماندالىق كۋبوكتارمەن، مەدالدارمەن جانە گراموتالارمەن ماراپاتتالدى.