يۋليا پۋتينسيەۆا ينديان-ۋەللس (اقش) WTA 1000 ءتۋرنيرىنىڭ ءتورتىنشى اينالىمىنا شىقتى، دەپ حابارلايدى اlmaty-akshamy.kz.
قازاقستاندىق تەننيسشى ءۇشىنشى اينالىمدا الەمنىڭ 20-راكەتكاسى، امەريكالىق مەديسون كيزدىڭ مىسىن باستى.
يۋ.پۋتينسيەۆا ەكى سەتتە دە باسىمدىق تانىتتى – 6:4، 6:1.
ءبىر ساعات 22 مينۋتقا سوزىلعان باسەكە بارىسىندا يۋليا 7 برەيك-پوينتتىڭ بەسەۋىن ءمۇلت جىبەرگەن جوق. امەريكالىق سپورتشى 1 برەيكپەن (8 برەيك-پوينت) شەكتەلدى.
يۋليا پۋتينسيەۆا شيرەك فينالعا شىعۋ ءۇشىن الەمنىڭ 1-راكەتكاسى، پولشا وكىلى يگا شۆەنتەكپەن تالاسادى. بۇل ولاردىڭ ءوزارا ءۇشىنشى كەزدەسۋى بولماق. وسىعان دەيىن ەكى ماچتا دا ي.شۆەنتەك جەڭىسكە جەتكەن.
قازاقستاندىق تەننيسشى قازىرگى ساتتە WTA Live رەيتينگىسىندە 67-ورىنعا كوتەرىلىپ تۇر.
قازاقستاننىڭ ەرلەر اراسىندا ءبىرىنشى، الەمنىڭ 20-راكەتكاسى الەكساندر بۋبليك ينديان-ۋەللس ماستەرس تۋرنيرىندە جارىس جولىنان شىعىپ قالدى. ول ءۇشىنشى اينالىمدا الەمنىڭ 10-راكەتكاسى، اۋستراليالىق الەكس دە مينورعا جول بەردى – 5:7، 0:6.
ول سونداي-اق جۇپتىق سىندا فرانسيالىق ادريان ماننارينومەن بىرگە 1/8 فينالعا وتە المادى. قازاقستاندىق-فرانسيالىق دۋەت تارتىستى ويىندا دودانىڭ 7-راكەتكالارى، گەرمانيالىقتار كيەۆين كراۆيس – تيم پيۋسقا جول بەردى – 6:7 (6:8)، 6:7 (6:8).