مەملەكەت باسشىسى قاسىم-جومارت توقايەۆ قازاقستان حالقىن رامازان ايىنىڭ باستالۋىمەن قۇتتىقتادى، دەپ حابارلايدى اlmaty-akshamy.kz اقوردانىڭ باسپا ءسوز قىزمەتى ءمالىم ەتتى.
«قىمباتتى وتانداستار!
سىزدەردى رامازان ايىنىڭ باستالۋىمەن قۇتتىقتايمىن! حالقىمىز ءۇشىن قاسيەتتى ورازانىڭ ءمان-ماڭىزى ايرىقشا. بۇل – قوعامدا يماندىلىق، ادالدىق، جاناشىرلىق، مەيىرىمدىلىك سياقتى مىزعىماس قۇندىلىقتارعا بارىنشا ءمان بەرىلەتىن كەزەڭ. بۇكىل مۇسىلمان قاۋىمىنىڭ ىنتىماعى ارتىپ، بىر-بىرىنە باۋىرمالدىعى ايقىن كورىنەتىن مەزگىل.
ورازا ايى رۋحاني تازارۋعا، مۇقتاج جاندارعا كومەك قولىن سوزىپ، قايىرىمدىلىق جاساۋعا ۇندەيدى. سول ارقىلى بارشا ادامزاتتىڭ بەرەكە-بىرلىگى نىعايا تۇسۋىنە ىقپال ەتەدى. ءدىن مەن ءداستۇر ساباقتاستىعىن بەرىك ۇستاناتىن ەل تاتۋلىعىن، تۇراقتىلىعى مەن تىنىشتىعىن ساقتاپ، كەز كەلگەن سىن-قاتەردەن سۇرىنبەي وتە الادى. مەن قازاقستان حالقىنىڭ ءاردايىم رۋحاني ۇندەستىكتە ءومىر ءسۇرىپ، بولاشاققا نىق قادام باساتىنىنا سەنەمىن. ورازا قابىل بولسىن! بارشاڭىزعا زور دەنساۋلىق، اماندىق، تولايىم تابىس تىلەيمىن!»، - دەپ جازىلعان پرەزيدەنت قۇتتىقتاۋىندا.