يۋليا پۋتينسيەۆا بيللي دجين كينگ كۋبوگىندا قازاقستان رەكوردىنا قول جەتكىزدى
قازاقستاندىق يۋليا پۋتينسيەۆا بيللي دجين كينگ كۋبوگىندا جەكەلەي سىندا 15ء-ىنشى جەڭىسىنە قول جەتكىزدى، دەپ حابارلايدى اlmaty-akshamy.kz.
قازاقستان تەننيس فەدەراسياسىنان ءمالىم ەتكەنىندەي، بۇل –ەلىمىزدىڭ تەننيسشىلەرى اراسىنداعى رەكوردتىق ناتيجە. وسىعان دەيىن قازاقستان ايەلدەر قۇراماسىنىڭ قازىرگى كاپيتانى ياروسلاۆا شۆەدوۆا مەن زارينا دياستىڭ ەنشىسىندە 14 جەڭىستەن بار ەدى.
يۋ.پۋتينسيەۆا بيللي دجين كينگ دوداسىندا 2014 جىلدان بەرى ونەر كورسەتىپ كەلەدى. بۇگىن ول گەرمانيانىڭ ءبىرىنشى، الەمنىڭ 17-راكەتكاسى انجەليكا كەربەردى 3:6، 6:3، 6:2 ەسەبىمەن تىزە بۇكتىردى. بۇل ونىڭ كەربەرمەن ءوزارا كەزدەسۋلەرىندەگى العاشقى ۇتىسى ەدى.
«ءبىرىنشى بولىپ سىنعا ءتۇسۋ قاشاندا قيىن. باستاپقىدا ابىرجىعاندىقتان، وزىمە-وزىم كەلە المادىم. ءبىرىنشى سەت سوڭىندا سوققىنى سەزىنۋ كەرەكتىگىن ءتۇسىندىم. سوسىن انجەليكانىڭ وسال تۇستارىن تابۋعا تىرىستىم. اشىق قالعان جەرلەردى كوزدەپ، ونى كوبىرەك جۇگىرتۋدى ويلادىم. بۇل تاكتيكام جۇزەگە استى. مۇنداي ماچتا ءاربىر ۇپاي ماڭىزدى. ەرتەڭگى ويىندا دا بارىمىزدى سالامىز»، - دەدى يۋ.پۋتينسيەۆا.