بۇرشاق ابىگەرگە سالدى
يتاليانىڭ ورتالىق ايماعىندا ورنالاسقان ەميليا-رومانيادا جاۋعان بۇرشاق پارما ايماعىنداعى يتالياندىق ا1 ماگيسترالىندە ترافيكتى جاۋىپ، جۇزدەگەن ماشينالار مەن ۇيلەرگە زيان كەلتىردى، دەپ حابارلايدى Almaty-akshamy.kz. Ria.ru cايتىنا سىلتەمە جاساپ.
Il Fatto Quotidiano مالىمەتىنشە، دۇيسەنبى كۇنى تۇستەن كەيىن جاۋعان بۇرشاق اۆتوكولىك جۇرگىزۋشىلەر مەن جەرگىلىكتى تۇرعىنداردى تاڭقالدىردى. الەۋمەتتىك جەلىلەردەگى كوپتەگەن ۆيدەولارعا سايكەس، ورىك ءتارىزدى بۇرشاق ماشينالاردىڭ تەرەزەلەرىن جىرىپ، كولىكتەردىڭ شاناقتارىندا ويىقتار قالدىردى. اپات ەپيسەنترىندە وزدەرىن ارەڭ تاپقان جۇرگىزۋشىلەر جەل، جاڭبىر مەن بۇرشاق سالدارىنان كولىك جۇرگىزۋدى جالعاستىرا الماعان.
توتەنشە جاعدايلار قىزمەتى جابدىقتار مەن قۇتقارۋشىلاردىڭ ءوتۋى ءۇشىن ميلان-ناپولي تراسساسىندا شامامەن ءۇش ساعاتقا جول قوزعالىسىن جاۋىپ تاستادى. سونىمەن بىرگە بىرنەشە شاعىن اپاتتار تىركەلگەن.