ولار وقۋشىلارعا اعىلشىن ءتىلىنىڭ دەڭگەيى مەن ءبىلىمىن ارتتىرۋعا كومەكتەسىپ جاتىر.
الماتى قالالىق Jas Otan جاستار قاناتى English for Jastar جوباسى شەڭبەرىندە حالىقتىڭ الەۋمەتتىك وسال توبىنان شىققان بالالارعا تەگىن اعىلشىن ءتىلىن وقىتۋ كۋرستارىن باستادى، دەپ حابارلايدى Almaty-akshamy.kz.
English for Jastar جوباسى العاش رەت 2018 جىلى ەلباسى، تۇڭعىش پرەزيدەنت نۇرسۇلتان نازاربايەۆتىڭ جارلىعى اياسىندا ىسكە اسىرىلاتىن ۇشتىلدىلىكتى ەنگىزۋ جونىندەگى اۋقىمدى باعدارلامانى قولداۋ ءۇشىن ىسكە قوسىلدى. بۇل جوبا وقۋشىلارعا اعىلشىن ءتىلىنىڭ دەڭگەيىن كوتەرۋگە جانە ولاردىڭ قارىم-قاتىناس داعدىلارىن جاقسارتۋعا باعىتتالعان.
Nur-Sultan baspasy ۇسىنعان ۇزاقتىعى 6 اي فاكۋلتاتيۆتىك كۋرستاردىڭ ءبىرىنشى اعىمىندا كوپ بالالى وتباسىلاردان شىققان 11 بالا وقىپ جاتىر. جوبانىڭ باستى ماقساتى - جاس بۋىنعا قولجەتىمدى ساپالى بىلىممەن قامتاماسىز ەتۋگە ۇلەس قوسۋ. وقۋشىلارعا اعىلشىن ءتىلىنىڭ دەڭگەيى مەن ءبىلىمىن ارتتىرۋعا كومەكتەسۋ.
وقۋدى باستاۋ ءۇشىن وقۋشىلار بىرنەشە كەزەڭنەن ءوتتى:
- بالالار اعىلشىن ءتىلىن مەڭگەرۋ دەڭگەيىن انىقتاۋ تەستىنەن ءوتتى.
- اعىلشىن ءتىلى دەڭگەيىنە جانە جاسىنا سايكەس بالالاردى توپتارعا ءبولۋ.
- بوس ۋاقىتىن ەسكەرە وتىرىپ، ساباق كەستەسىن قۇرۋ.
- وقۋشىلارعا اعىلشىن تىلىنەن تەگىن وقۋلىقتار بەرىلدى.
«ءبىز مەكتەپ جاسىنا دەيىنگى جانە مەكتەپ جاسىنداعى بالالارعا ارنالعان وقۋ ادەبيەتتەرىن ازىرلەۋمەن جانە بەيىمدەۋمەن اينالىسامىز. مەكتەپتەرگە 2021-2022 وقۋ جىلىنا تەگىن قول جەتكىزۋگە سىلتەمەلەر ۇسىنامىز جانە وقۋ پروسەسىندە رەسپۋبليكا مەكتەپتەرىنەن ەلەكتروندىق پلاتفورمالاردى پايدالانۋ تيىمدىلىگى بويىنشا كەرى بايلانىس الۋعا قۋانىشتىمىز. بۇل جوبا اياسىندا از قامتىلعان، كوپ بالالى وتباسىلاردىڭ وقۋشىلارى، سونداي-اق تولىق ەمەس وتباسىلاردىڭ بالالارى مەن مۇگەدەك بالالار ءۇشىن وففلاين رەجيمىندە اعىلشىن ءتىلىن تەگىن وقىتۋعا 11 ورىن ۇسىندىق» - دەدى Nur-Sultan baspasy باس مامانى ايدا ۋرازايەۆا.
اتاپ وتسەك، وقىتۋ حالىقارالىق ستاندارتتار بويىنشا وتەدى. كۋرستى ءساتتى اياقتاعان وقۋشىلارعا سەرتيفيكاتتار بەرىلەدى.