كومىر قۇنى دا، جاز ماۋسىمىنا قاراماستان، بىرتىندەپ ءوسىپ كەلەدى.
جىلۋ بەرۋ ماۋسىمى باستالماي جاتىپ، قازاقستاندا كومىر باعاسى ءوسىپ كەلەدى، دەپ حابارلايدى Almaty-akshamy.kz Energyprom.kz cايتىنا سىلتەمە جاساپ.
2021 جىلدىڭ التى ايىندا كومىر ءوندىرۋ كورسەتكىشى 162،3 ملرد تەڭگەدەن 171،6 تەڭگەگە وسكەن. بۇل سالا كورسەتكىشىنىڭ 3،9%-عا تومەندەگەنىن كورسەتىپ وتىر.
2020 جىلى 336 ملرد تەڭگەگە كومىر وندىرىلگەن، ياعني 3،3 پايىزعا تومەن.
جالپى ايتقاندا، كومىر ءوندىرىسى كوپتەگەن پوزيسيا بويىنشا ازايدى.
ءوسىم تەك ەنەرگەتيكالىق تاس كومىر سالاسىندا بار – 21،9%، ياعني 6،8 ملن توننا. كوكستەلەتىن كومىر ءوندىرىسى 17،9% ازايىپ، 4،4 ملن توننا بولعان. جالپى، كومىر ءوندىرىسى ءبىر جىلدا 0،7%، ياعني 50،1 ملن تونناعا ازايعان.
سونىمەن قاتار قوڭىر كومىر ءوندىرىسى دە 7،5%،ياعني 2 ملن تونناعا دەيىن ازايعان.
كومىر ءوندىرىسى ازايعانىمەن، باعاسى ءوسىپ كەلەدى. 2021 جىلدىڭ ماۋسىم ايىنداعى قورىتىندى بويىنشا، تاس كومىر قۇنى 0،1% وسكەن، ءبىر جىلدا بۇل باعا 3،8% قىمباتتاعان.
پرەمەر-مينيستر اسقار مامين باسەكەلەستىكتى قورعاۋ جانە دامىتۋ اگەنتتىگىنە اكىمدىكتەرمەن بىرگە كومىر باعاسىن ەرەكشە باقىلاۋعا الۋدى جانە جانارماي باعاسىنىڭ نەگىزسىز وسۋىنە جول بەرمەۋ ءۇشىن، اسىرەسە، تۇرعىندار ءۇشىن كومىردى ساتىپ الۋدى تاپسىردى، دەپ حابارلايدى حابار24.
ەلىمىزدە باسەكەلەستىكتى قورعاۋ جانە دامىتۋ اگەنتتىگىنىڭ ايىرباستاۋ كوميتەتىنىڭ احۋالدىق ورتالىعى اشىلدى، ول مۋنيسيپالدىق كومىردى ساتۋ كەزىندە دەلدالداردىڭ سانىن ازايتۋعا جانە تۇرعىندار ءۇشىن وتىننىڭ وسى ءتۇرىنىڭ تۇپكىلىكتى قۇنىن تومەندەتۋگە ءتيىس.
ءوز كەزەگىندە، الماتى وبلىسى بويىنشا مونوپولياعا قارسى دەپارتامەنتى كوممۋنالدىق كومىر نارىعىندا بيرجالىق ساۋدا-ساتتىق بويىنشا ايماقتىق وپەراتورلاردىڭ وكىلدەرىمەن كەزدەسۋ وتكىزىپ، ايماقتىق وپەراتورلارعا تاۋار بيرجاسىنان كومىردى ۋاقىتىندا ساتىپ الۋدى ۇسىندى.
