يتاليادا ينفلياسيا جاڭا رەكوردتىق دەڭگەيگە جەتتى

ۇلتتىق ستاتيستيكا

ەلدىڭ ۇلتتىق ستاتيستيكا ينستيتۋتى (ISTAT) يتالياداعى باعالار تامىز ايىندا وتكەن جىلدىڭ سايكەس كەزەڭىنەن 8،4%-عا جوعارى جانە 1985 جىلدىڭ جەلتوقسانىنان بەرگى ەڭ جوعارى دەڭگەيگە جەتكەنىن حابارلادى، دەپ حابارلايدى Almaty-akshamy.kz قازاقپارات-قا سىلتەمە جاساپ.
BBC News مالىمەتىنشە، ماۋسىم ايىنان باستاپ ءۇش اي ىشىندە يتالياداعى جىلدىق ينفلياسيا دەڭگەيى سايكەسىنشە 8%، 7،9% جانە 8،4% بولدى – 1999 جىلى ەۋرو ۆاليۋتاسى رەسمي ەنگىزىلگەن ساتتەن باستاپ ەڭ جوعارى ءۇش ايلىق كورسەتكىش.
ەنەرگيا تاسىمالداۋشىلار باعاسىنىڭ وسۋىنە قاراماستان، تامىز ايىندا كولىك قىزمەتتەرىنىڭ ءوسۋ قارقىنى ءبىرشاما باياۋلاپ، ءبىر جىل بۇرىنعىعا قاراعاندا 8،4%-عا ءوستى.
تۇتىنۋ تاۋارلارىنىڭ باعاسى 11،8%-عا دەيىن ءوستى، ال قىزمەتتەرگە شىعىندار 3،7%-عا ارتتى.
سونىمەن قاتار، ەنەرگيا تاسىمالداۋشىلار، تۇتىنۋ تاۋارلارى مەن ازىق-تۇلىك باعاسىن الىپ تاستاعانداعى بازالىق ينفلياسيا 4،4% بولدى، بۇل – 1996 جىلعى مامىردان بەرگى ەڭ جوعارى دەڭگەي.
ISTAT-تىڭ الدىن الا مالىمەتتەرى تامىز ايىنداعى باعالار شىلدەگە قاراعاندا 0،8% جوعارى ەكەنىن كورسەتتى.
بۇعان دەيىن حابارلاعانىمىزداي، گەرمانيا فەدەرالدىق ستاتيستيكالىق باسقارماسىنىڭ مالىمەتىنشە، ەلدەگى ينفلياسيا ماۋسىم مەن شىلدەدە ازداپ تومەندەگەن ەدى، الايدا تامىزدا قايتادان ءوستى.