پرەزيدەنت بۇل ءوتىنىشتى نازارعا الدى.
21 شىلدەدە يتاليا پرەمەر-مينيسترى ماريو دراگي وتستاۆكاعا كەتەتىنىن مەملەكەت پرەزيدەنتىنە ايتتى، دەپ حابارلايدى Almaty-akshamy.kz Interfax.ru سىلتەمە جاساپ.
يتاليا پرەزيدەنتى سەردجو ماتتارەللا ۇكىمەتكە اعىمداعى مىندەتتەردى ورىنداۋدى تاپسىردى.
ماريو دراگي وتكەن اپتادا وتستاۆكاعا كەتپەك بولعان، الايدا پرەزيدەنت ونىڭ ءوتىنىشىن قابىلدامادى.
دراگي 2021 جىلدىڭ اقپان ايىنان باستاپ يتاليا مينيسترلەر كابينەتىنىڭ باسشىسى بولدى. ول ءوز ۇكىمەتىنىڭ باسىم باعىتتارى رەتىندە COVID-19 پاندەمياسىنا قارسى تۇرۋدى جانە داعدارىستان كەيىن ەلدىڭ ەكونوميكاسىن قالپىنا كەلتىرۋگە ارنادى. 2021 جىلدىڭ سوڭىندا دراگي وزىنە جۇكتەلگەن مىندەتتەردى ورىنداعانىن جانە پرەزيدەنت بولۋعا دايىن ەكەنىن ايتتى. ونىڭ بۇل شەشىمىن سولشىل دەموكراتيالىق پارتيا قولداعانمەن دراگي سايلاۋعا قاتىسپادى.
2022 جىلدىڭ ناۋرىز ايىندا ۇلتتىق ستاتيستيكا اگەنتتىگى يتاليادا ينفلياسيا ءوسىپ كەلە جاتقانىن مالىمدەدى.