پرەزيدەنت قاسىم-جومارت توقايەۆ مۇحتار اۋەزوۆتىڭ شولپان-اتا قالاسىنداعى مۋزەي-ۇيىنە باردى.
پرەزيدەنت مۋزەي-ۇيدە مۇحتار اۋەزوۆتىڭ ءبيۋستىن اشتى جانە قۇرمەتتى قوناقتار كىتابىنا قولتاڭبا قالدىردى، دەپ حابارلايدى Almaty-akshamy.kz
مۇحتار اۋەزوۆتىڭ شولپان-اتاداعى ءۇيى 1959 جىلى سالىنعان. قازاقتىڭ ۇلى جازۋشىسى بۇل ۇيدە 1959-1961 جىلدارى تۇرىپ، جۇمىس ىستەگەن، سونداي-اق ءوزىنىڭ «وسكەن وركەن» اتتى سوڭعى رومانىن جازۋدى باستاعان. ءبىراق اياقتاپ ۇلگەرمەدى.
1970 جىلى قىركۇيەكتە مۇندا مۇحتار اۋەزوۆتىڭ كىتاپحانا-مۋزەيىنىڭ رەسمي اشىلۋ ءراسىمى ءوتتى.
قازىرگى ۋاقىتتا مۋزەيدە جازۋشىنىڭ جەكە زاتتارى: ۇستەل، ورىندىقتار، تەربەلمەلى كرەسلو، ۇستەل ساعاتى، كيىم ىلگىش، كىتاپ شكافى، كىتاپتار ساقتالعان.
جازۋشىنىڭ قىزى ءلايلا مۇحتار قىزىنىڭ باستاماسىمەن كىتاپحاناعا العاشقى 5 000 دانا كىتاپ جينالدى. ءقازىر كىتاپحاناداعى كىتاپ قورى – شامامەن 12 000.
كىتاپحانا-مۋزەيدە سەمينارلار، وقۋ كونفەرەنسيالارى، كەزدەسۋلەر وتكىزىلىپ تۇرادى.
