قوعامدىق كەڭىستىكتى دامىتۋ تۋرالى الماتى قالاسى ناۋرىزباي اۋدانى اكىمىنىڭ وڭىرلىك كوممۋنيكاسيالار قىزمەتىنىڭ بريفينگىندە سانجار توعاي ايتىپ بەردى، دەپ حابارلايدى اlmaty-akshamy.kz.
سپيكەردىڭ ايتۋىنشا، اۋدانداعى قوعامدىق كەڭىستىكتەردىڭ سانى ماڭىزدى بولىپ قالا بەرەدى. سوندىقتان وسى جىلدىڭ كوكتەمىندە «الەم پارك» وتباسىلىق پاركىنىڭ قۇرىلىسى باستالدى. 2023 جىلى "شۇعىلا" جانە "اقجار" شاعىناۋداندارىندا ەكى دەنە شىنىقتىرۋ-ساۋىقتىرۋ كەشەنىنىڭ قۇرىلىسىن باستاۋ جوسپارلانۋدا.
"شۇعىلا" شاعىناۋدانىندا سابدەنوۆ كوشەسىندەگى 15 گەكتار جەر ۋچاسكەسىندە كەلەسى جىلى مەكتەپ، بالاباقشا، 500 كەلۋشىگە ارنالعان ەمحانا، 100 كەلۋشىگە ارنالعان دەنە شىنىقتىرۋ-ساۋىقتىرۋ كەشەنى، تەننيس ورتالىعى مەن ءورت ءسوندىرۋ دەپوسىنىڭ قۇرىلىسى جوسپارلانۋدا»، - دەدى سانجار توعاي.
اعىمداعى جىلى "اقجار" جانە "قالقامان" شاعىناۋداندارىندا ەكى پاركتىڭ قۇرىلىسى، بالالاردىڭ ويىن جانە سپورت الاڭدارىن ورناتۋدى، اباتتاندىرۋ ەلەمەنتتەرىن، سىرتقى جارىقتاندىرۋدى، ءۇش جاياۋ - سەرۋەندەۋ ايماعىن اباتتاندىرۋدى كوزدەيتىن 4 جەكە ۋچاسكەنى اباتتاندىرۋ جۇرگىزىلۋدە.
وتكەن جىلى ناۋرىزباي اۋدانىندا 30 قوعامدىق كەڭىستىك قۇرىلدى، ونىڭ ىشىندە 16 بالالار ويىن جانە 12 سپورت، 3 سكەيت، 3 باسكەتبول جانە ەكى فۋتبول الاڭى سالىندى، ەكى جاياۋ سەرۋەندەۋ ايماعى جايلاستىرىلدى.