ولاردى جاڭادان سالۋ نەمەسە قايتادان جاڭعىرتۋ قاجەت.
ەلدەگى تالاي جىل جوندەۋ كورمەگەن كارىز-تازارتۋ قۇرىلىستارىنىڭ جاي-كۇيى جايىندا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ايتتى، دەپ حابارلايدى Almaty-akshamy.kz «حابار 24»-كە سىلتەمە جاساپ.
بۇگىندە اتىراۋ، قىزىلوردا، فورت-شيەۆچەنكو جانە شىمكەنت قالالارىندا كارىز-تازارتۋ نىساندارىن رەكونسترۋكسيالاۋ جوبالارى جۇزەگە اسىرىلا باستاعان. قالعان 65 جوبانى 2028 جىلعا دەيىن ىسكە اسىرىلۋ جوسپارلانىپ وتىر.
وعان رەسپۋبليكالىق بيۋدجەت جانە حالىقارالىق ينۆەستورلار ەسەبىنەن قارجى تارتىلماق. سونداي-اق ۇكىمەتتە قالالارداعى ينجەنەرلىك جەلى دەرەكتەرىن سيفرلاندىرۋ ماسەلەلەرى قارالدى. ءاليحان سمايىلوۆ تالقىلانعان جوبالاردى ىسكە اسىرۋ ءۇشىن پىسىقتاۋ جۇمىستارىن جالعاستىرۋدى تاپسىردى.