پرەمەر-مينيستر ءاليحان سمايىلوۆ الماتىعا جۇمىس ساپارى اياسىندا قالانىڭ IT-كلاستەرىنىڭ، مەديسينالىق جانە ءبىلىم بەرۋ سالالارىنىڭ دامۋىمەن تانىستى.
پرەمەر-مينيستر اۋەلى وسى جىلدىڭ مامىر ايىندا ىسكە قوسىلعان MOST IT Hub Almaty يننوۆاسيالىق كاسىپكەرلىكتى دامىتۋ ورتالىعىنا باردى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
جالپى اۋدانى 5 200 شارشى مەترلىك ورتالىقتا كەڭسەلەر، كوۆوركينگ-كەڭىستىكتەر، يۆەنت جانە بيزنەس-كەزدەسۋلەر وتكىزۋگە ارنالعان ايماقتار ورنالاسقان.
«الماتىنى ۇلگى ەتىپ، ەلىمىزدىڭ بارلىق وبلىس ورتالىقتارىندا IT-حابتار ىسكە قوسىلۋى ءتيىس»، - دەدى پرەمەر-مينيستر.
ۇكىمەت باسشىسى Mediker Hospital International جاڭا كوپ بەيىندى مەديسينالىق ورتالىعى مەن «جاس مامان» جوباسى اياسىندا ءتۇرلى وقۋ-وندىرىستىك شەبەرحانالارمەن جابدىقتالعان الماتى جولاۋشىلار كولىگى جانە تەحنولوگيالار كوللەدجىنە باردى.