جۇڭگو الەمدەگى ەڭ ۇلكەن، ءارى ۇزىن شولدەردىڭ ءبىرى تاكلا-ماكان اينالاسىنداعى اينالما تەمىرجول جەلىسىنىڭ سوڭعى بولىگىن ىسكە قوستى.
ول ەلدىڭ سولتۇستىك-باتىسىنداعى شىڭجاڭ-ۇيعىر اۆتونوميالىق اۋدانى ارقىلى وتەدى. تەمىرجول جەلىسىنىڭ ۇزىندىعى 825 شاقىرىمدى قۇرايدى. ونىڭ بويىمەن جۇرەتىن پويىزداردىڭ جىلدامدىعى ساعاتىنا 120 كم-گە دەيىن جەتەدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
جول بويىندا 22 ستانسيا بار، ونىڭ 11ء-ى جولاۋشىلاردى قابىلداسا، التاۋى جۇك تاسىمالىنا ارنالعان. جالپى ءشولدى اينالىپ ءوتۋ ءۇشىن بارلىعى 11 ساعاتتان ءسال استام ۋاقىت كەرەك. ەسكە سالايىق، تابيعي لاندشافتتىڭ كۇردەلىلىگىنە بايلانىستى تەمىرجول قۇرىلىسى ءۇش جارىم جىلعا سوزىلدى. رەلستى قۇمدى داۋىلدان قورعاۋ ءۇشىن جولدىڭ كەي بولىگى كوپىر سياقتى سالىندى. سونداي-اق، قۇمنىڭ كوشۋىن توقتاتۋ ءۇشىن 13 ملن اسا تال وتىرعىزىلدى. بيلىك تەمىرجول جەلىسىنىڭ اشىلۋى ۆاگون پويىزدارىنىڭ ءشولدى تولىعىمەن اينالىپ وتۋىنە مۇمكىندىك بەرەدى دەپ وتىر. سونداي-اق، شىڭجاڭنىڭ ماقتا، جاڭعاق، قۇرما جانە مينەرالدار سياقتى برەندتىك تاۋارلارىنىڭ جونەلتىلۋى مەن لوگيستيكاسىن جەڭىلدەتەدى.
"بۇل وڭاي جوبا بولعان جوق. جۇمىسشىلار ۇنەمى قۇمدى داۋىلمەن كۇرەسۋگە ءماجبۇر بولدى. جولدىڭ 65 پروسەنتى ءشول دالانىڭ ىشىمەن وتەدى. تەمىر جولدىڭ قالىپتى جۇمىس ىستەۋى ءۇشىن ونىڭ جولىنا قۇم تۇسۋىنە جول بەرمەۋ كەرەك، سەبەبى بۇل قوزعالىسقا ءقاۋىپ ءتوندىرۋى مۇمكىن"، - دەدى شىڭجاڭ تەمىر جولى پارتيا كوميتەتىنىڭ حاتشىسى ۆان سزينچجۋن.