بۇل تۋرالى يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ايتتى.
كولىك الۋعا جەڭىلدەتىلگەن پايىزبەن نەسيە بەرۋ باعدارلاماسى اياسىندا بانكتەر 75 ملرد تەڭگە سوماسىنداعى وتىنىمدەردى ماقۇلدادى، دەپ حابارلايدى Almaty-akshamy.kz.
ماجىلىستەگى پارلامەنتتىك تىڭداۋدان كەيىن تىلشىلەر مينيستردەن اتالعان باعدارلاما بويىنشا نەسيە ءبولۋ نە سەبەپتى تەجەلىپ قالعانىن سۇرادى.
«باعدارلاما توقتاپ تۇرعان جوق. جالپى 100 ملرد تەڭگە ءبولىنىپ، سونىڭ 75 ملرد تەڭگەسىنە وتىنىمدەر ماقۇلداندى. ەندى تاعى 25 ملرد تەڭگەسى قالدى. باستاپقى كۇندەردەگى قارقىنمەن بىردەن 20-30 مىڭ ءوتىنىمدى قابىلداي المايدى. ويتكەنى باعدارلاما اياسىندا تەك 25 ملرد تەڭگە قالدى. وسى ورايدا ەرتەڭ تۇرعىندار «نەگە وتىنىمدەردى قابىلدامادىڭدار» دەپ نارازىلىقتارىن ايتۋى مۇمكىن»، - دەدى ق.وسكەنبايەۆ.
سونىمەن قاتار مينيسترگە باعدارلاماعا بويىنشا اۆتوكولىك قانشالىقتى جەتكىلىكتى بولاتىنى تۋرالى سۇراق قويىلدى.
«100 ملرد تەڭگەگە نەسيەگە شامامەن بىردەن 15-16 مىڭ اۆتوكولىك الۋعا بولادى. قازىرگى كەزدە 10 مىڭ كولىككە ەسەپتەلگەن ءوتىنىمدى بانكتەر ماقۇلدادى»، - دەدى مينيستر.
بۇدان بۇرىن حابارلانعانداي، ق.وسكەنبايەۆ اتالعان باعدارلاما اياسىنداعى جۇمىستار ءبىر جىلمەن شەكتەلمەيتىنىن اتاپ ءوتتى. وسى باعدارلامانى جۇزەگە اسىرۋ باراسىندا قاراجات ريەۆولۆەرلىك تەتىك ارقىلى ءبولىندى. وسى ۋاقىتقا دەيىن كولىك العان ادامدار نەسيەسىن تولەي باستاعاننان كەيىن، بۇل قاراجات تاعى دا اينالىمعا تۇسەدى.