استانادا «ءىت fest-2023» يننوۆاسيالىق يدەيالار فەستيۆالى باستالدى
ءداستۇرلى شارا بيىل دا اقپاراتتىق تەحنولوگيالار سالاسىنداعى ۇزدىك مامانداردىڭ باسىن قوستى، دەپ حابارلايدى اlmaty-akshamy.kz 24.kz-كە سىلتەمە جاساپ.
ولار ماشينالىق وقىتۋ، روبوتوتەحنيكا، نەيروندىق جەلىلەر مەن جاساندى ينتەللەكتىنى دامىتۋداعى سوڭعى ترەندتەرگە قاتىستى ويلارىمەن ءبولىستى. فەستيۆال اياسىندا وقۋ ورىندارىنىڭ ستۋدەنتتەرى ءىت سالاسىنداعى ستارتاپتارىن كوپشىلىككە تانىستىرادى. ۇزدىك جوبالار ماراپاتتالىپ، ءارى قاراي وندىرىستىك جانە بيزنەس پروسەستەردى سيفرلاندىرۋ ءۇشىن قولدانىلاتىن بولادى.
- وزىمىزبەن بىرگە لەوناردو دەگەن روبوتتى الىپ كەلدىك. ول ادامداردىڭ بەتتەرىن كورە الاتىن كامەراسى بار. ءوزىنىڭ بەتىن، قولىن ادامدارعا قاراپ قوزعالتا الادى. ءبىز ونى بولاشاقتا دا دامىتقىمىز كەلەدى. بولاشاقتا ادامداردىڭ مۇقتاجدىقتارىن شەشۋگە كومەكتەسەدى. وسى كورمەدە باسقا دا قازاقستاندىق كومپانيالارمەن تاجىريبە بولىسكىمىز كەلدى، - دەيدى روبوتوتەحنيكا ءمۇعالىمى ءمادي مۇقاش.