ەلىمىزگە بەلگىلى مەسەنات، سپورت جاناشىرى ەركىن ءىزباسار بۇگىن تاڭدا كوز جۇمدى، دەپ حابارلايدى اlmaty-akshamy.kz.
اقتوبەگە عانا ەمەس، ەلىمىزگە بەلگىلى مەسەنات ەركىن ءىزباساردىڭ قازاسى تۋرالى اقپاراتتى زامانداستارى راستادى. ول بۇگىن تاڭدا كوز جۇمعان.
- ول كىسى كوپتەگەن اۋىر وپەراسيا جاساتتى. ۇزاق جىلدار بويى اۋىردى. ەركىن ءىزباسار قازاق سپورتىن دامىتۋدا، ونىڭ ىشىندە جاس بالالاردى سپورتقا باۋلۋدا، تاربيەلەۋدە كوپ ۇلەس قوستى. اكەسى جۇماش اعاي باپكەر بولدى، ءوزى دە پالۋان. ءبىرتالاي جىگىتكە كومەكتەستى. اقتوبە وبلىسىندا كۇرەستىڭ دامۋىنا زور ۇلەس قوسقان ادام دەسەم بولادى. توكيو وليمپياداسىنىڭ قولا جۇلدەگەرى نۇريسلام سانايەۆتى الىپ كەلىپ، اقتوبە وبلىسىنا عانا ەمەس، قازاق ەلىنە ۇلكەن جەڭىس سىيلادى. ءوزى مۇگەدەك بولا تۇرا قايىرىمدىلىق اكسياسىنا وتە كوپ قاتىستى. جوق-جىتىككە كومەكتەستى. ەلدىڭ ازاماتى، ەلدىڭ باتىرى دەپ ايتاتىنداي ازامات،- دەدى وبلىستىق ءماسليحات دەپۋتاتى مارات قويلىبايەۆ.