ستۋدەنتتەر ماراپاتتان بولەك جۇمىسقا ورنالاسۋ مۇمكىندىگىنە يە بولادى.
IT سايىس 26-27 ناۋرىز كۇندەرى نۇر-سۇلتان قالاسىندا وفلاين فورماتتا وتەدى، دەپ حابارلايدى Almaty-akshamy.kz ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.
ءبىلىم جانە عىلىم مينيسترلىگى العاش رەت ۋنيۆەرسيتەتتەر مەن كوللەدجدەر ستۋدەنتتەرى اراسىندا BILIM Hackathon 2022 IT بايقاۋىن وتكىزەدى.
باس جۇلدە يەگەرلەرى 1،5 ميلليون تەڭگە الادى. ەكىنشى ورىننىڭ جۇلدە قورى – 1 ميلليون تەڭگە، ءۇشىنشى ورىن – 500 مىڭ تەڭگە.
«جەڭىمپازدار، ياعني ستۋدەنتتەر، ماراپاتتان بولەك، جۇمىسقا ورنالاسۋ مۇمكىندىگىنە يە بولادى»، - دەپ حابارلادى ءبىلىم مينيسترلىگىنىڭ باسپا ءسوز قىزمەتى.
IT سايىس 26-27 ناۋرىزدا وتەدى. قازىلار القاسىنىڭ قۇرامىنا بەلگىلى IT-كومپانيالار وكىلدەرى كىرەدى. ۇزدىك قاتىسۋشىلار جۇمىسقا شاقىرۋ الادى.
«ەلىمىزدە ءتۇرلى IT جوبالاردى ازىرلەيتىن دارىندى جاستار كوپ. ولاردى بايقاۋعا قاتىسۋعا شاقىرامىز. سايىسقا ۋنيۆەرسيتەت جانە كوللەدج ستۋدەنتتەرى، ودان بولەك، باسقا دا باعدارلاماشىلار قاتىسا الادى. ءار وقۋ ورنىنان ءبىر كومانداعا قاتىسۋعا رۇقسات ەتىلەدى. حاكاتونعا قاتىسۋ ءۇشىن وتىنىمدەردى monhackathon@gmail.com ەلەكتروندى پوشتاسىنا جىبەرۋگە بولادى. وتىنىمگە كوماندا اتاۋىن، قاتىسۋشىلاردىڭ ءاتى-جونى مەن ۇيىم اتاۋىن كورسەتۋ قاجەت»، - دەدى ءبىلىم جانە عىلىم ۆيسە-مينيسترى ايبات ءىلياسوۆ.
سايىسقا قاتىساتىن ستۋدەنتتەرگە ءتۇرلى تاپسىرما بەرىلەدى. مىسالى، ەركىن تاقىرىپتا دا، بەرىلگەن تاقىرىپ بويىنشا دا ءبىلىم سالاسىنداعى سيفرلىق شەشىمدەر بويىنشا جوبا دايىنداۋ.
بايقاۋ ءبىلىم جانە عىلىم سالاسىندا جاڭا IT جوبالارعا باستاماشىلىق ەتۋ، سونداي-اق قازىرگى جانە بولاشاق IT مامانداردى ىنتالاندىرۋ ماقساتىندا وتكىزىلەدى.