قوعامدىق كولىكتە قالتا ۇرىلارىنان ساق بولىڭىزدار!
الماتىدا بالالاردى توناعان قالتا ۇرىسى ۇستالدى، دەپ حابارلايدى Almaty-akshamy.kz Polisia.kz- كە سىلتەمە جاساپ.
ول كوبىنەسە ايەلدەر مەن مەكتەپ وقۋشىلارىنىڭ قالتاسىن قاققان.
«قوعامدىق كولىكتەگى ۇرلىقتىڭ الدىن الۋ بويىنشا ءىس-شارا بارىسىندا ءبىزدىڭ بولىمشە قىزمەتكەرلەرى قالالىق كريمينالدىق پوليسياداعى ارىپتەستەرىنىڭ كومەگىمەن قوعامدىق كولىك باعىتتارىنىڭ بىرىندە 33 جاستاعى د.ەسىمدى ازاماتتى ۇستادى. قاسكوي بالانىڭ قالتاسىنان سمارتفوندى ۇرلاپ كەتكەن. ءموبيلدى قۇرىلعى تاركىلەنىپ، وقۋشىنىڭ اتا-اناسىنا قايتارىلدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. كۇدىكتى قاماۋعا الىندى. الماتى وبلىسىنىڭ تۋماسىنىڭ وسىعان ۇقساس باسقا دا قىلمىستاردى جاساۋعا قاتىسى بار-جوعى انىقتالۋدا. وسى دەرەك بويىنشا ق ر قك-نىڭ 188-بابىنا (ۇرلىق) سايكەس قىلمىستىق ءىس سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى»، – دەپ حابارلادى مەدەۋ اۋداندىق پب جانىنداعى پوليسيا ءبولىمىنىڭ باستىعى ەدىلحان بايعارايەۆ.