بۇل تۋرالى جارلىققا مەملەكەت باسشىسى بيىلعى جىلدىڭ 4 ناۋرىزىندا قول قويعان بولاتىن.
بارلىق گارنيزونداردا اسكەري قىزمەتشىلەردىڭ جاۋىنگەرلىك تۋمەن قوشتاسۋ راسىمدەرى ءوتىپ جاتىر، دەپ حابارلايدى Almaty-akshamy.kz ق ر قم باسپا ءسوز قىزمەتىنە سىلتەمە جاساپ.
قازاقستاننىڭ قارۋلى كۇشتەرىندە مەرزىمدى اسكەري قىزمەتىن وتكەرگەن 6 000-نان استام اسكەري قىزمەتشىنى زاپاسقا شىعارۋ باستالدى. وتان الدىنداعى مىندەتىن ابىرويلى اتقارعان ساربازدارعا كومانديرلەرى العىس ايتىپ، ۇيلەرىنە سالتاناتتى تۇردە شىعارىپ سالىپ جاتىر.
ەل پرەزيدەنتى قاسىم-جومارت توقايەۆتىڭ تاپسىرماسىنا سايكەس، كوپتەگەن اسكەريلەر اسكەردە ەكونوميكانىڭ ناقتى سەكتورىندا قاجەت جۇمىسشى ماماندىقتارىن مەڭگەردى. زاپاسقا شىعارىلاتىن ساربازداردىڭ كوبى 2022 جىلدىڭ قاڭتارىندا توتەنشە جاعداي رەجيمىن قامتاماسىز ەتۋ شارالارىنا تارتىلدى.
اسكەري بولىمدەردىڭ كومانديرلەرى اتاپ وتكەندەي، ءبىر جىل ىشىندە مەرزىمدى قىزمەتتەگى ساربازدار شىنىعىپ، اسكەري ماماندىقتاردى مەڭگەردى. جاۋىنگەرلىك دايارلىقتا جوعارى ناتيجەلەرگە قول جەتكىزىپ، مۇنى بىرنەشە مارتە ءىس جۇزىندە كورسەتە ءبىلدى.
وقۋ-جاۋىنگەرلىك تاپسىرمالاردى ساپالى ورىنداعانى جانە قىزمەتتەگى جەتىستىكتەرى ءۇشىن ەرەكشەلەنگەن اسكەري قىزمەتشىلەر العىس حاتتارمەن، گراموتالارمەن جانە اسكەري ءبولىمنىڭ جاۋىنگەرلىك تۋىنىڭ جانىندا تۇسكەن فوتوسۋرەتتەرمەن ماراپاتتالدى.
زاپاسقا شىعارىلعاننان كەيىن ساربازدار اسكەري-وقىتىلعان رەزەرۆ رەتىندە تۇرعىلىقتى جەرى بويىنشا جەرگىلىكتى اسكەري باسقارۋ ورگاندارىندا ەسەپكە قويىلادى.