قازاقستاندىق كوركەم گيمناستيكا شەبەرلەرى تۇركيانىڭ كونيا قالاسىندا ءوتىپ جاتقان يسلام ىنتىماقتاستىعى ويىندارىندا قولا جۇلدە الدى، دەپ حابارلايدى Almaty-akshamy.kz Inform.kz-كە سىلتەمە جاساپ.
جارىس بارىسىندا ەلجانا تانييەۆا مەن ايبوتا ەرتاي قىزى كوماندالىق كوپسايىستا ۇزدىك ۇشتىكتەن كورىندى.
ءدال وسىنداي جەتىستىككە كوپسايىستان ەل قۇراماسى توپتىق كورسەتكىشتە قول جەتكىزدى.
يسلام ىنتىماقتاستىعى ويىندارى 2005 جىلدان بەرى تۇراقتى وتكىزىلىپ كەلەدى. بيىل بەسىنشى مارتە جالاۋىن جەلبىرەتتى.
بيىلعى دودادا 55 ەلدەن سپورتشىلار كەلدى. ويىندار 8 تامىزدا باستالدى. ول 18 تامىزدا مارەسىنە جەتەدى.
ەسكە سالساق، بۇدان بۇرىن يسلاميادادا قازاقستاندىق اۋىر اتلەت الەكسەي چۋركين كۇمىس مەدال الدى.
سونداي- اق، قازاقستاندىق تاەكۆوندوشى باۋىرجان حاسەنوۆ يسلام ىنتىماقتاستىق ويىندارىنىڭ قولا جۇلدەگەرى اتاندى.