جەكسەنبىگە قاراعان ءتۇنى قارۋلى ادام يەرۋساليمدەگى پلاچا قورعانى قابىرعاسىنىڭ جانىندا اۆتوبۋسقا وق جاۋدىرعان. يزرايل بيلىگىنىڭ مالىمەتىنشە، وقيعانىڭ سالدارىنان كەم دەگەندە سەگىز ادام جاراقات الدى، دەپ حابارلايدى Almaty-akshamy.kz Inform.kz-كە سىلتەمە جاساپ.
شابۋىل جەرگىلىكتى ۋاقىت بويىنشا 01:24-تە ءدىندارلار پلاچا قورعانىنان قايتىپ كەلە جاتقان كەزدە بولعان. شابۋىل جاسادى دەگەن كۇدىكتى شىعىس يەرۋساليمنەن كەلگەن 27 جاستاعى پالەستينالىق وقيعا ورنىنان قاشىپ كەتكەن. ءبىراق سودان كەيىن ءباسپاسوزدىڭ حابارلاۋىنشا، ول بيلىككە بەرىلگەن. يزرايل پوليسياسى ءدال سول ادامنىڭ وق اتقانىن ءالى راستاعان جوق.
قۇقىق قورعاۋ ورگاندارى وقيعانى تەرروريستىك شابۋىل دەپ باعالاپ وتىر. ۆۆس-گە جاساعان مالىمدەمەسىندە يزرايل پرەمەر-مينيسترى ياير لاپيد شابۋىلعا قاتىسى بارلار «بەيبىت تۇرعىندارعا كەلتىرىلگەن زيان ءۇشىن جاۋاپ بەرەتىنىن» ايتتى.
زارداپ شەككەن ەكى ادامنىڭ جاعدايى اۋىر، ونىڭ ىشىندە جۇكتى ايەل دە بار. وعان شۇعىل كەسار تىلىگى جاسالعان، جاڭا تۋعان نارەستە ءتىرى، جاعدايى اۋىر، ءبىراق تۇراقتى.
يزرايلدىك باق-تىڭ حابارلاۋىنشا، جارالانعان ءتورت ادام – نيۋ-يوركتەن يزرايلگە بارعان ءبىر وتباسىنىڭ مۇشەلەرى.
پلاچا قورعانى – قۇلشىلىق ەتەتىن يۋدەيلەر ءۇشىن ەڭ قاسيەتتى ورىنداردىڭ ءبىرى. جىل سايىن مۇندا مىڭداعان ادام قۇلشىلىق ەتۋگە كەلەدى.
وقيعا ءيزرايلدىڭ گازا سەكتورىنداعى قارۋلى وپەراسيادان ءبىر اپتادان كەيىن بولدى، وندا 47 ادام قازا تاپقان بولاتىن.