اتىراۋ وبلىسىنداعى «بولاشاق» مۇناي مەن گازدى كەشەندى دايىنداۋ قوندىرعىسىندا بۇلىنگەن قۇبىردىڭ ءبىر بولىگى شەتەلگە ساراپتاماعا جىبەرىلدى. بۇل تۋرالى Almaty-akshamy.kz Inform.kz-كە سىلتەمە جاساپ حابارلايدى.
ەنەرگەتيكا ءمينيسترى بولات اقشولاقوۆتىڭ ايتۋىنشا، «بولاشاق» قوندىرعىسىندا «قاشاعان» مۇنايىن ەكسپورتتاۋعا دايىندالادى. جاقىندا بۇل قوندىرعىداعى جارىق پايدا بولعان جانە ىستەن شىققان قۇبىردىڭ ءبىر بولىگى ساراپتامادان وتكىزۋ ءۇشىن شەتەلگە جىبەرىلگەن.
«بۇل قوندىرعىنىڭ قۇرىلىسى سالىنعاننان كەيىن جابدىقتار ۇزاق ۋاقىت تۇرىپ قالدى. سەبەبى، «بولاشاق» قوندىرعىسى ىسكە قوسىلماي، ءبىراز جىل تۇردى. بۇل قۇبىرعا بايلانىستى تۋىنداعان ەدى. اتالعان قوندىرعىدا 2012 جىلدان بەرى وسىنداي پروبلەما تۋىندادى. بۇعان اگرەسسيۆتى ورتا، كۇكىرتسۋتەكتىڭ جوعارى مولشەرى اسەر ەتتى. ءقازىر قۇبىردىڭ بۇزىلعان بولىگى كەسىلىپ، شەتەلگە ساراپتاماعا جىبەرىلدى. ءبىز ەندى قۇبىرداعى جارىقتىڭ پايدا بولۋ سەبەبىن انىقتايتىن قورىتىندىنى كۇتىپ وتىرمىز»، - دەپ ءمالىم ەتتى بولات اقشولاقوۆ.
ءمينيستردىڭ ايتۋىنشا، «بولاشاق» مۇناي مەن گازدى كەشەندى دايىنداۋ قوندىرعىسى كەشەندى تۇردە تەكسەرىلەدى. بۇل – شامامەن 24 قۇبىر.
«قوندىرعىداعى قۇبىردىڭ بارلىعى تەكسەرىلەدى. سودان كەيىن ناقتى شەشىم قابىلدانادى. ازىرگە زاۋىت گازدى الدىن-الا ايىراتىن Slug Catcher قوندىرعىسىن ورناتپاي، جۇمىس ىستەي الادى. قوسالقى بولشەكتەر مەن شىعىن ماتەريالدارى بار»، - دەدى بولات اقشولاقوۆ.