يسلام اقش تۇرمەلەرىندە كەڭىنەن تارالعان دىنگە اينالدى

جىل سايىن اقش تۇرمە قابىرعالارىندا ون مىڭداعان تۇتقىن يسلامدى قابىلدايدى.

بۇل جايىندا islam.kz پورتالى ءوز كەزەگىندە CBS اگەنتتىگىنە ءجون سىلتەگەن WION world is one اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى aqshamnews.kz.

«CBS Mornings» توپتاماسىنىڭ سوڭعى بولىمىندە «ليزا لينگپەن رۋحانياتتىڭ جاي-كۇيى» ("The State of Spirituality with Lisa Ling،") جازاسىن وتەۋشىلەردىڭ نەلىكتەن دىنگە وتەتىنى زەرتتەلگەن ەكەن.

«تايبا» قورى اقش-تا تۇتقىندارعا يسلامي ءبىلىم بەرۋ بويىنشا قاشىقتان وقىتۋ باعدارلاماسىن ۇسىنعان العاشقى ۇيىم. رامي نسۋر - ۇيىمنىڭ قۇرىلتايشى ديرەكتورى.

اقپارات اگەنتتىگىنە بەرگەن سۇحباتىندا رامي نسۋر ەكى كۇننىڭ بىرىندە ونىڭ پوشتا جاشىگى ەلدىڭ تۇكپىر-تۇكپىرىنەن كەلگەن تۇتقىنداردىڭ يسلامي تاعلىمنان وتۋگە قاتىستى نۇسقاۋلىقتى سۇراپ جازعان حاتتارعا تولىپ قالاتىنىن حابارلادى.

«ءبىز وسىدان 15 جىل بۇرىن باستاعان كەزدە مۇسىلمان تۇتقىندارىنان ەستىگەن نەگىزگى قاجەتتىلىك وسى بولدى»، - دەدى رامي نسۋر اقپارات اگەنتتىگىنە. «وسىلايشا، ءبىز بۇل ۇيىمدى وسى ولقىىلىقتىڭ ورنىن تولتىرۋ جانە وسى قاجەتتىلىكتى وتەۋ ءۇشىن قۇردىق»، - دەپ تولىقتىردى ول ءسوزىن.

بۇگىنگى تاڭدا Tayba Foundation 13 000 استام ادامعا قىزمەت كورسەتكەن ەكەن. رامي نسۋرانىڭ دەرەگىنشە، ولاردىڭ 90%-عا جۋىعى يسلام ءدىنىن قابىلداعان جانە ولاردىڭ كوپشىلىگى تەمىر توردىڭ ارعى جاعىندا قابىلداعان. ول، سونداي-اق، اقش تۇرمەسىندە يسلام ءدىنىن قابىلدايتىن ادامدار سانىنىڭ ارتۋىنىڭ نەگىزگى سەبەبىن ايتتى. ءتانى دە، جانى دا قاپاستا قالعان ادامداردىڭ رۋحاني ەركىندىكتى ءدىني سەنىمنەن تاباتىنىن العا تارتتى.