ىشكى ىستەر مينيسترلىگى الماتى اۋەجايىندا بولعان وقيعاعا قاتىستى پىكىر ءبىلدىردى، دەپ حابارلايدى aqshamnews.kz.
قولىنا پىشاق ۇستاعان ەر ادام اۋەجاي قىزمەتكەرىن كەپىلگە الىپ، ريۋكزاگىندا «بومبا» بار دەپ جولاۋشىلاردى قورقىتقان.
اتالعان فاكت بويىنشا ءۇش قىلمىستىق ءىس قوزعالدى: كەپىلگە الۋ (ق ر قك-نىڭ 261-بابى 2-بولىگى 4-تارماعى) — مۇلكى تاركىلەنىپ، 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن. قارۋ قولدانۋ ارقىلى جاسالعان بۇزاقىلىق (ق ر قك-نىڭ 293-بابى 3-بولىگى) — 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان. تەرروريزم اكتىسى تۋرالى كورىنەۋ جالعان حابارلاۋ (ق ر قك-نىڭ 273-بابى) — 5 000 اەك مولشەرىندە ايىپپۇل نەمەسە 5 جىلعا دەيىن باس بوستاندىعىنان ايىرۋ.
ۆەدومستۆودا حابارلاعانداي، وقيعانىڭ ءمان-جايىن تەكسەرۋ ءۇشىن جەدەل-تەرگەۋ توبى قۇرىلدى.
زارداپ شەككەندەر جوق. سوت شەشىمىمەن كۇدىكتىگە قاتىستى ەكى ايعا قاماۋدا ۇستاۋ تۋرالى بۇلتارتپاۋ شاراسى سانكسيالاندى.
سونىمەن قاتار ىشكى ىستەر ءمينيسترى ەرجان سادەنوۆتىڭ تاپسىرماسىمەن ەلدەگى اۋەجايلار مەن ۆوكزالدارداعى قاۋىپسىزدىك جۇيەسى تەكسەرىلىپ جاتىر.
نەگىزگى نازاردا:
وسال تۇستاردى انىقتاۋ؛
ءقاۋىپتىڭ الدىن الۋ؛
باقىلاۋدى كۇشەيتۋ؛
ارەكەت ەتۋ الگوريتمىن جەتىلدىرۋ؛
كۇزەت قىزمەتكەرلەرىن وقىتۋ؛
قۇقىق قورعاۋ ورگاندارىمەن ءوزارا ءىس-قيمىلدى نىعايتۋ.
ءىىم جاعداي تولىق باقىلاۋدا ەكەنىن، بولاشاقتا مۇنداي وقيعالاردىڭ الدىن الۋ ءۇشىن بارلىق قاجەتتى شارا قابىلداناتىنىن اتاپ ءوتتى.