Cortical Labs ستارتاپى جاڭا تەحنولوگيالىق جەتىستىككە قول جەتكىزىپ، بيولوگيالىق كومپيۋتەردى تانىستىردى.
بۇل كومپيۋتەر CL1 دەپ اتالادى جانە ونىڭ باستى ەرەكشەلىگى — ادام ميىنىڭ ءتىرى جاسۋشالارىن قولدانۋىندا. CL1 بيوكومپيۋتەرى نەيروندىق جەلىلەردى مودەلدەۋ جانە زەرتتەۋ ءۇشىن جاسالعان، بۇل تەحنولوگيا عىلىمي زەرتتەۋلەر مەن مەديسينالىق تاجىريبەلەردە جاڭا مۇمكىندىكتەر اشىپ وتىر.
CL1 بيوكومپيۋتەرى قالاي جۇمىس ىستەيدى؟
CL1 كومپيۋتەرىنىڭ قۇرىلىمى ەرەكشە جانە جاڭاشىلدىققا تولى. ينجەنەرلەر ادام ميىنىڭ باعانالى (ستۆولوۆىە) جاسۋشالارىن كرەمنيي چيپتەرىمەن بىرىكتىرە وتىرىپ، نەيروندىق جەلىلەردىڭ جۇمىسىن قايتا جاسايدى. بۇل پروسەسس بيولوگيالىق جانە جاساندى ەلەمەنتتەردىڭ ۇيلەسىمدى جۇمىسىن قامتاماسىز ەتەدى، ناتيجەسىندە بيوكومپيۋتەر تابيعي نەيروندىق بەلسەندىلىكتى پايدالانۋعا مۇمكىندىك بەرەدى.
CL1ء-دىڭ ارتىقشىلىقتارى مەن قولدانۋ سالالارى
مەديسينا سالاسىندا CL1 بيوكومپيۋتەرى جاڭا دارى-دارمەكتەردى ازىرلەۋ جانە سىناقتان وتكىزۋگە ارنالعان ۇلكەن مۇمكىندىك بەرەدى. بۇرىن دارىلەردى تەستىلەۋ ءۇشىن كوپتەگەن جانۋارلاردى پايدالانۋ قاجەت بولسا، ەندى بيوكومپيۋتەر ارقىلى ناقتى ادام ميىنىڭ جاسۋشالارىن قولدانۋ ارقىلى دارىلەردىڭ تيىمدىلىگىن الدىن الا تەكسەرۋگە بولادى. بۇل جاڭا ءادىس سىناقتىڭ دالدىگىن ارتتىرىپ، ۋاقىتتى ۇنەمدەۋگە مۇمكىندىك بەرەدى.
تەحنولوگيا سالاسىندا، اسىرەسە روبوتوتەحنيكا مەن جاساندى ينتەللەكت سالالارىندا CL1 كوپتەگەن جاڭا مۇمكىندىكتەر اشادى. نەيروندىق جەلىلەردىڭ كومەگىمەن كومپيۋتەرلەر مەن روبوتتار ادام ميىنىڭ تابيعي فۋنكسيالارىنا جاقىن جۇمىس ىستەي الاتىن بولادى. بۇل ءوز كەزەگىندە ماشينالىق وقىتۋدىڭ دامۋىنا جانە روبوتتاردىڭ ينتەللەكتىن ارتتىرۋعا ۇلكەن اسەرىن تيگىزەدى.
CL1ء-دىڭ بولاشاعى
Cortical Labs بيوكومپيۋتەرى جىل سوڭىنا قاراي ساتىلىمعا شىعادى، ونىڭ باعاسى 35 000 اقش دوللارىن قۇرايدى. بۇل باعا عىلىمي زەرتتەۋلەر مەن جاڭا تەحنولوگيالاردى ەنگىزۋ جولىنداعى ۇلكەن قادام بولىپ تابىلادى. CL1 بيوكومپيۋتەرى بولاشاقتا ءتۇرلى سالالاردا جاڭا ءداۋىردىڭ باستالۋىنا سەبەپشى بولۋى مۇمكىن.